პროევროპული აქციების მონაწილე - 26 წლის რეზო კიკნაძე, რომელიც პოლიციამ 6 დეკემბერს, ჯგუფურ ძალადობაში მონაწილეობის ბრალდებით დააკავა, იზოლატორიდან გავრცელებულ წერილში წერს, რომ სთხოვდნენ, ეთქვა, თითქოს ოპოზიციის ლიდერების დაფინანსებით მოქმედებდა. მან პროტესტის ნიშნად შიმშილობა გამოაცხადა.
ახალი ამბები
მკითხველის რჩეული
- 1 Meta ფაქტების გადამოწმების პროგრამას წყვეტს
- 2 ვინ არის ბათუმის საქალაქო სასამართლოს მოსამართლე ნინო სახელაშვილი
- 3 ბაკურციხე-თბილისის გზაზე ავტოავარიის შედეგად ოთხი ადამიანი დაიღუპა
- 4 მოსკოვი მზადაა, რუსეთ-საქართველოს „ურთიერთობების ნორმალიზაცია“ გააგრძელოს
- 5 „შერატონის“ მენეჯერის თქმით, ქორიძესა და გახარიაზე თავდასხმის ჩანაწერები შსს-ს ჯერ არ ამოუღია
- 6 „ბო*იშვილი ვიყო, სისხლით დავიჭერ“ - ბათუმის პოლიციის უფროსი ირაკლი დგებუაძე მზია ამაღლობელზე
„ამ წერილს ვწერ წინასწარი მოთავსების იზოლატორიდან. ვარ უკანონოდ დაკავებული. მთხოვდნენ მეთქვა ტყუილი და დამესახელებინა ადამიანები, ვითომდა ისინი მაფინანსებდნენ და მათ დავალებებს ვასრულებდი. მთხოვდნენ დამესახელებინა ჯაფარიძე, ხოშტარია, გვარამია და სხვა პირები. აღნიშნულს ვერანაირად ვერ დავასახელებდი, რადგან მსგავსი არაფერი ყოფილა. ვაცხადებ შიმშილობას. ამ ბრძოლას მოვიგებთ ერთად“, - ვკითხულობთ წერილში, რომელიც რეზო კიკნაძის ადვოკატმა, გუჯა ავსაჯანიშვილმა გაავრცელა.
შსს-ს ცენტრალური კრიმინალური პოლიციის დეპარტამენტის თანამშრომლებმა, რეზო კიკნაძე სისხლის სამართლის კოდექსის 225-ე მუხლის მეორე ნაწილით დააკავა, რაც ჯგუფურ ძალადობაში მონაწილეობას გულისხმობს და 4-დან 6 წლამდე ვადით თავისუფლების აღკვეთით ისჯება.
მიმდინარე საპროტესტო აქციების დროს ჯგუფური ძალადობის ორგანიზების, ხელმძღვანელობის ან მასში მონაწილეობისა და ძალადობრივი ქმედებისაკენ საჯაროდ მოწოდების საქმეზე 16 ადამიანია დაკავებული. მათგან რვას თბილისის საქალაქო სასამართლომ აღკვეთის ღონისძიების სახით პატიმრობა შეუფარდა. დაკავებულებს შორის 19, 20, 21 წლის ახალგაზრდებიც არიან.
28 ნოემბრის შემდეგ მოქალაქეები თბილისში, რუსთაველის გამზირზე ევროინტეგრაციის შეჩერების შესახებ „ქართული ოცნების“ გადაწყვეტილებას აპროტესტებენ. ცხრა დღის განმავლობაში შინაგან საქმეთა სამინისტრომ მშვიდობიანი დემონსტრანტები არაერთხელ დაარბია წყლის ჭავლის, ცრემლსადენი გაზისა და სხვა სპეციალური საშუალებების გამოყენებით. სისხლის სამართლის და ამინისტრაციული წესით დაკავებულია 300-ზე მეტი ადამიანი. მათი უმრავლესობა პოლიციისა და სპეცრაზმის მიერ სასტიკადაა ნაცემი.
