მტკივნეულია ვხედავდე, როგორ იტანჯება ჩვენი ხალხი - ქოჩორაშვილი

„საქართველო იმსახურებს ერთიანობასა და სამართლიანობას. მტკივნეულია ვხედავდე, როგორ იტანჯება ჩვენი ხალხი. ჩვენი ხმა და მოქმედება უნდა იყოს მიმართული ქვეყნის უკეთესი მომავლისკენ“, - წერს ფეხბურთელი სოციალურ ქსელ „ინსტაგრამში“ გამოქვეყნებულ„სთორიში“.

მეორე დღეა, თბილისში, პარლამენტის შენობასთან, ათასობით მოქალაქე აპროტესტებს „ქართული ოცნების“ გადაწყვეტილებას საქართველოს ევროინტეგრაციის პროცესის 2028 წლის ბოლომდე შეჩერების შესახებ.

შინაგან საქმეთა სამინისტროს დანაყოფები მომიტინგეების წინააღმდეგ წყლის ჭავლს, ცრემლსადენ გაზს და სხვა სპეციალურ საშუალებებს იყენებენ.

აქციის ძალადობრივი დაშლის დროს დაზარალებულებს შორისაა მედიის დაახლოებით 40 წარმომადგენელი. არსებული ინფორმაციით, დაკავებულია 100-მდე მოქალაქე.