საქართველოს პარლამენტმა „ქართული ოცნების“ ორი ახალი დეპუტატის, გიორგი ხახუბიას და სალომე ჯინჯოლავას უფლებამოსილების ცნობის საკითხს მხარი დაუჭირა.
ახალი ამბები
მკითხველის რჩეული
- 1 „ოცნების“ საარჩევნო ქოლცენტრები რეგიონებში და ზეწოლა ამომრჩევლებზე
- 2 თეთრიწყაროს მოსამართლემ 30 უბნის შედეგები გააუქმა ხმის ფარულობის დარღვევის გამო
- 3 Edison: ეგზიტპოლსა და ცესკოს შედეგებს შორის 13%-იანი სხვაობა მანიპულირებაზე მიუთითებს
- 4 „გვაქვს 81 ფაქტი და ეს სისტემურობაზე მიუთითებს“ - „ოცნება“ ოპოზიციას ხმების მოპარვაში ადანაშაულებს
- 5 აქციებზე ჟურნალისტებისთვის მუშაობაში უკანონოდ ხელის შეშლის ფაქტებზე გამოძიება დაიწყო
- 6 ბჟანიას ქართველი დეპუტატები აფხაზეთში ფარულად ჩამოჰყავდა - არძინბა
გიორგი ხახუბია 29 აპრილის პარლამენტის შუალედური არჩევნების შედეგად ფოთის, ხობისა და სენაკის მაჟორიტარ დეპუტატად აიჩიეს. მანამდე ამავე სამაჟორიტარო ოლქის დეპუტატი მამამისი, ირაკლი ხახუბია იყო, რომელიც 2022 წლის ოქტომბერში გარდაიცვალა.
ცენტრალური საარჩევნო კომისიის მონაცემებით, გიორგი ხახუბიამ 27 551 ხმა (95.30%) მიიღო, ხოლო მისმა ერთადერთმა კონკურენტმა, პარტია „თავისუფალი საქართველოს“ კანდიდატმა, ბესიკ წულეისკირმა 1359 ხმა (4.70%). აღსანიშნავია, რომ პარლამენტის შუალედური არჩევნებისთვის 105 314 ამომრჩეველი იყო რეგისტრირებული, საიდანაც მხოლოდ 29 591-მა მიიღო არჩევნებში მონაწილეობა.
„ქართული ოცნების“ პროპორციულ სიის წევრი სალომე ჯინჯოლავა უმაღლეს საკანონმდებლო ორგანოში მაია მენაღარიშვილის უფლებამონაცვლე გახდა. მაისის დასაწყისში მენაღარიშვილი სახელმწიფო ენის კვლევის, განვითარებისა და პოპულარიზაციის მიმართულებით განათლების მინისტრის მრჩევლად დაინიშნა. ამ დრომდე სალომე ჯინჯოლავა პარლამენტში მუშაობდა.
