პარლამენტმა 79 ხმით მხარი დაუჭირა ქეთევან თურაზაშვილის პარლამენტის წევრის უფლებამოსილების ცნობას. ის სახალხო დამცველად არჩეული ლევან იოსელიანის ადგილმონაცვლეა.
ახალი ამბები
მკითხველის რჩეული
- 1 „ოცნების“ საარჩევნო ქოლცენტრები რეგიონებში და ზეწოლა ამომრჩევლებზე
- 2 თეთრიწყაროს მოსამართლემ 30 უბნის შედეგები გააუქმა ხმის ფარულობის დარღვევის გამო
- 3 Edison: ეგზიტპოლსა და ცესკოს შედეგებს შორის 13%-იანი სხვაობა მანიპულირებაზე მიუთითებს
- 4 „გვაქვს 81 ფაქტი და ეს სისტემურობაზე მიუთითებს“ - „ოცნება“ ოპოზიციას ხმების მოპარვაში ადანაშაულებს
- 5 არჩევნების დროს საქართველოში აშშ-ის მიერ სანქცირებული რუსი პროპაგანდისტი იმყოფებოდა
- 6 კორძაია ომბუდსმენს სთხოვს პასუხს, დაირღვა თუ არა ამომრჩევლის ხმის ფარულობა არჩევნებზე
ქეთევან თურაზაშვილს პარტია „მოქალაქეებში“ აღმასრულებელი მდივნის თანამდებობა უკავია და 2020 წლის საპარლამენტო არჩევნებისთვის პარტიული სიის მესამე წევრი იყო.
ქეთევან თურაზაშვილი განათლებით იურისტია. არის საქართველოს ადვოკატთა ასოციაციის წევრი საერთო სპეციალიზაციით. 2018-2020 წლებში ხელმძღვანელობდა საქართველოს ადვოკატთა ასოციაციის სასწავლო ცენტრს. 2005-2018 წლებში მუშაობდა როგორც კერძო, ასევე, საჯარო სექტორში და ხელმძღვანელობდა ადამიანური რესურსების მართვის დეპარტამენტებს ტელეკომპანია „იმედში“, „კახურ ტრადიციულ მეურნეობაში“ (KTW ჯგუფი), სამედიცინო კომპანია „ახალ ხედვაში“, შემოსავლების სამსახურში და ა.შ.
პარლამენტმა ლევან იოსელიანი საქართველოს სახალხო დამცველის თანამდებობაზე, 6 წლის ვადით, 7 მარტს აირჩია. საკანონმდებლო ორგანოში იოსელიანი ვიცე-სპიკერის თანამდებობასაც იკავებდა.
