თბილისში, საქართველოს პარლამენტის შენობასთან, შინაგან საქმეთა სამინისტრო ისევ არბევს რუსული კანონის წინააღმდეგ მიმდინარე დემონსტრაციას. აქციის მონაწილეების წინააღმდეგ მხუთავი გაზი, წიწაკის სპრეი და წყლის ჭავლი გამოიყენეს. მოქალაქეები ამბობენ, რომ რეზინის ტყვიებიც მოხვდათ.
ახალი ამბები
მკითხველის რჩეული
- 1 „ოცნების“ საარჩევნო ქოლცენტრები რეგიონებში და ზეწოლა ამომრჩევლებზე
- 2 თეთრიწყაროს მოსამართლემ 30 უბნის შედეგები გააუქმა ხმის ფარულობის დარღვევის გამო
- 3 Edison: ეგზიტპოლსა და ცესკოს შედეგებს შორის 13%-იანი სხვაობა მანიპულირებაზე მიუთითებს
- 4 „გვაქვს 81 ფაქტი და ეს სისტემურობაზე მიუთითებს“ - „ოცნება“ ოპოზიციას ხმების მოპარვაში ადანაშაულებს
- 5 აქციებზე ჟურნალისტებისთვის მუშაობაში უკანონოდ ხელის შეშლის ფაქტებზე გამოძიება დაიწყო
- 6 არჩევნების დროს საქართველოში აშშ-ის მიერ სანქცირებული რუსი პროპაგანდისტი იმყოფებოდა
შინაგან საქმეთა სამინისტრომ განცხადება გაავრცელა, რომელის მიხედვითაც, მას შემდეგ, რაც უწყების დანაყოფებმა დატოვეს პარლამენტის მიმდებარე ტერიტორია, აქციის მონაწილეები გახდნენ აგრესიულები და საკანონმდებლო ორგანოს შესასვლელი რკინის კარების დაზიანება სცადეს.
„შინაგან საქმეთა სამინისტროს თანამშრომლებმა, მართლწესრიგის აღდგენის მიზნით, გამოიყენეს კანონით დადგენილი სპეციალური საშუალება, ე.წ. წიწაკის სპრეი და წყლის ჭავლი. მოვუწოდებთ აქციის თითოეულ მონაწილეს მშვიდად გამოხატონ პროტესტი, არ დაუშვან ძალადობრივი ქმედებები და დაემორჩილონ სამართალდამცველების კანონიერ მითითებას. კანონდარღვევის ნებისმიერ ქმედებებზე პოლიცია სამართლებრივ რეაგირებას მოახდენს“, - განაცხადეს შსს-ში.
პირველ მაისს, პარლამენტმა რუსული კანონი 83 ხმით, 23-ის წინააღმდეგ, მეორე მოსმენით მიიღო. „ქართული ოცნების“ დეპუტატებმა საკანონმდებლო ორგანო პოლიციის კორდონით დატოვეს.
