ომის დაწყების შემდეგ, 10-დან 13 ათასამდე უკრაინელი სამხედრო დაიღუპა. ამის შესახებ უკრაინის პრეზიდენტის ოფისის ხელმძღვალის მრჩეველმა მიხაილო პოდოლიაკმა განაცხადა.
ახალი ამბები
მკითხველის რჩეული
- 1 „ოცნების“ საარჩევნო ქოლცენტრები რეგიონებში და ზეწოლა ამომრჩევლებზე
- 2 თეთრიწყაროს მოსამართლემ 30 უბნის შედეგები გააუქმა ხმის ფარულობის დარღვევის გამო
- 3 Edison: ეგზიტპოლსა და ცესკოს შედეგებს შორის 13%-იანი სხვაობა მანიპულირებაზე მიუთითებს
- 4 „გვაქვს 81 ფაქტი და ეს სისტემურობაზე მიუთითებს“ - „ოცნება“ ოპოზიციას ხმების მოპარვაში ადანაშაულებს
- 5 არჩევნების დროს საქართველოში აშშ-ის მიერ სანქცირებული რუსი პროპაგანდისტი იმყოფებოდა
- 6 კორძაია ომბუდსმენს სთხოვს პასუხს, დაირღვა თუ არა ამომრჩევლის ხმის ფარულობა არჩევნებზე
პოდოლიაკის თქმით, ევროკომისიის პრეზიდენტი ნამდვილად შეცდა, როდესაც თქვა, რომ 24 თებერვლის შემდეგ „100 ათასი უკრაინელი ჯარისკაცი იქნა მოკლული“.
„ეჭვგარეშეა, რომ ქალბატონი ურსულა შეცდა. ეს აშკარაა. ამიტომ წაშალეს ვიდეო, ამოიღეს ეს ციფრები. ჩვენ გვაქვს გენერალური შტაბის ოფიციალური შეფასებები, რასაც უმაღლესი მთავარსარდალი ახმოვანებს. 10-დან 12.5 - 13 ათასამდე დაღუპულია. დიახ, ჭრილობების გამო მეტი დანაკარგები გვაქვს“, - განაცხადა პოდოლიაკმა „24-ე არხის“ ეთერში.
მიხაილო პოდოლიაკის თქმით, ასევე არასწორია ევროკომისიის პრეზიდეენტის მიერ გაჟღერებული მონაცემები მშვიდობიან მოქალაქეებს შორის მსხვერპლის შესახებ. როგორც მან აღნიშნა, ეს მაჩვენებელი „20 ათასი ნამდვილად არ არის“ და ბევრად მეტია, განსაკუთრებით გათავისუფლებულ ტერიტორიებზე ნაპოვნი მასობრივი სამარხების გათვალისწინებით.
ევროკომისიის პრეზიდენტმა ურსულა ფონ დერ ლაიენმა 30 ნოემბერს, Twitter-ზე გამოქვეყნებულ ვიდეომიმართვაში თქვა, რომ უკრაინაში 20 ათასზე მეტი მშვიდობიანი მოქალაქე და უკრაინის შეიარაღებული ძალების 100 ათასი სამხედრო მოსამსახურეა დაღუპული. მოგვიანებით ვიდეო წაიშალა და გამოქვეყნდა შესწორებული ვერსია, რომლიდანაც უკრაინის დანაკარგებზე საუბრის მონაკვეთი ამოღებულია. ევროკომისიის წარმომადგენელმა, დანა სპინანტმა „უზუსტობასთან“ დაკავშირებით განმარტება გააკეთა და თქვა, რომ ურსულა ფონ დერ ლაიენის განცხადებაში იგულისხმებოდა არა მხოლოდ დაღუპულების, არამედ დაშავებულების რაოდენობა.
უკრაინის შეიარაღებული ძალების გენერალურმა შტაბმა ევროკომისიის პრეზიდენტის მიერ დასახელებული რიცხვები არ დაადასტურა. როგორც გენშტაბის საზოგადოებასთან ურთიერთობის დეპარტამენტის უფროსმა, ბოგდან სენიკმა გამოცემა „უკრაინსკა პრავდასთან“ განაცხადა, ეს დახურული ინფორმაციაა.
ამერიკელი გენერლის მარკ მილის შეფასებით, უკრაინაში მიმდინარე ომში დაახლოებით 100 ათასი რუსი და ამდენივე უკრაინელი ჯარისკაცი დაიღუპა ან დაშავდა. BBC-ის ინფორმაციით, მარკ მილიმ, რომელიც აშშ-ის გაერთიანებული შტაბების უფროსების თავმჯდომარეა, ნოემბრის დასაწყისში თქვა, რომ ომის დაწყების შემდეგ დაახლოებით 40 ათასი მშვიდობიანი მოქალაქეა დაღუპული.
