შინაგან საქმეთა სამინისტროს ამ დრომდე არავინ დაუკავებია ორი დღის წინ „გლოვოს“ კურიერ თემო სიგუაზე თავდასხმის საქმეზე. ერთი თავდამსხმელი იდენტიფიცირებულია და მასზე ძებნაა გამოცხადებული.
ახალი ამბები
მკითხველის რჩეული
- 1 „ოცნების“ საარჩევნო ქოლცენტრები რეგიონებში და ზეწოლა ამომრჩევლებზე
- 2 თეთრიწყაროს მოსამართლემ 30 უბნის შედეგები გააუქმა ხმის ფარულობის დარღვევის გამო
- 3 Edison: ეგზიტპოლსა და ცესკოს შედეგებს შორის 13%-იანი სხვაობა მანიპულირებაზე მიუთითებს
- 4 „გვაქვს 81 ფაქტი და ეს სისტემურობაზე მიუთითებს“ - „ოცნება“ ოპოზიციას ხმების მოპარვაში ადანაშაულებს
- 5 არჩევნების დროს საქართველოში აშშ-ის მიერ სანქცირებული რუსი პროპაგანდისტი იმყოფებოდა
- 6 კორძაია ომბუდსმენს სთხოვს პასუხს, დაირღვა თუ არა ამომრჩევლის ხმის ფარულობა არჩევნებზე
„პირველ დღეს გამომკითხეს, შემდეგ კაციშვილი არ მინახავს. ეტყობა, [თავდამსხმელი] გავლენიანი პირის შვილია ან რაღაც. ჭორის დონეზე ვიცი, რომ ვითომ ძებნაშია და მიმდინარეობს გამოძიება“, - განუცხადა ჟურნალისტებს დაჭრილი კურიერის დედამ, ელენა ჩოგოვაძემ.
32 წლის თემო სიგუა თბილისში, ნუცუბიძის ქუჩაზე, 6 ივლისს, სამსახურებრივი მოვალეობის შესრულების დროს დაჭრეს. არსებული ინფორმაციით, შეკვეთის დატოვების შემდეგ, უკმაყოფილო მომხმარებელმა უკან დაბრუნება მოსთხოვა და იმის გამო დაუპირისპირდა, რომ შეკვეთას ერთი ბოთლი ლუდი აკლდა.
„ერთი ბოთლი აკლიაო, მე ვუთხრი შეფუთული ხომ იყო, მე რა შუაში ვარ, „გლოვოში“ დარეკეთ, მე რაც მომცეს, ის ჩაგაბარეთო. შენ, ბიჭო, ვის ეტლიკინებიო და დედა შემაგინაო. ოთხი კი ჩამოვიდნენო, მაგრამ ერთთან იყო კამათიო. მერე იარაღი ამოიღო და უცებ მესროლაო. ერთი მე ამომიდგაო, მოტოციკლეტზე დამსვა და მითხრა, გააღწიე აქედანო“, - ამბობს დაჭრილის დედა.
ხეჩინაშვილის კლინიკის ექიმის განცხადებით, კურიერს ორივე წვივისა და ტერფის მოდამოში გამავალი ცეცხლნასროლი ჭრილობები ჰქონდა. ქირურგიული ოპერაციის შემდეგ მისი ჯანმრთელობის მდგომარეობა სტაბილურია.
მომხდარზე გამოძიება სისხლის სამართლის კოდექსის 120-ე მუხლით მიმდინარეობს, რაც ჯანმრთელობის განზრახ მსუბუქ დაზიანებას გულისხმობს. ოჯახი ეჭვქვეშ აყენებს გავრცელებულ ინფორმაციას, რომ ახალგაზრდა მამაკაცი პნევმატური იარაღით დაჭრეს.
