პოლონეთის ქალაქ ბიტომში, ღია საცურაო აუზზე საქართველოს მოქალაქე 18-დან 55 წლამდე ასაკის ოთხი მამაკაცი დააკავეს მას შემდეგ, რაც ისინი არასრულწლოვნების მიმართ სექსუალურ შევიწროებაში დაადანაშაულეს.
ახალი ამბები
მკითხველის რჩეული
- 1 „ოცნების“ საარჩევნო ქოლცენტრები რეგიონებში და ზეწოლა ამომრჩევლებზე
- 2 თეთრიწყაროს მოსამართლემ 30 უბნის შედეგები გააუქმა ხმის ფარულობის დარღვევის გამო
- 3 Edison: ეგზიტპოლსა და ცესკოს შედეგებს შორის 13%-იანი სხვაობა მანიპულირებაზე მიუთითებს
- 4 აქციებზე ჟურნალისტებისთვის მუშაობაში უკანონოდ ხელის შეშლის ფაქტებზე გამოძიება დაიწყო
- 5 „გვაქვს 81 ფაქტი და ეს სისტემურობაზე მიუთითებს“ - „ოცნება“ ოპოზიციას ხმების მოპარვაში ადანაშაულებს
- 6 ბჟანიას ქართველი დეპუტატები აფხაზეთში ფარულად ჩამოჰყავდა - არძინბა
შაბათს, 15 ივლისს მომხდარი ინციდენტის შესახებ განცხადება ქალაქის მერიამ გამოაქვეყნა. მასში ნათქვამია, რომ ღია საცურაო აუზის უსაფრთხოების სამსახურმა ორი შეტყობინება მიიღო - ორი ბიჭისგან და გოგონას დედისგან. მერიის ინფორმაციით, გოგონამ დედას უთხრა, რომ 50 წლის კაცი ავიწროებდა. მამაკაცი წყალში თამაშის დროს იგივე ქმედების განხორციელებაში დაადანაშაულეს ბიჭებმაც.
„დაცვის თანამშრომლები დაუყოვნებლივ ჩაერივნენ და მამაკაცი და მისი სამი მეგობარი აუზიდან პოლიციაში წაიყვანეს. დაკავების დამკვირვებელთა ნაწილის აგრესიული ქცევის გამო პოლიციას ფარებისა და ცრემლსადენი გაზის გამოყენება დასჭირდა. დაკავებული 18-დან 55 წლამდე მამაკაცები საქართველოს მოქალაქეები არიან“, - განაცხადეს მერიაში.
პოლიციამ ვიდეოჩანაწერები ამოიღო და გამოძიება მიმდინარეობს. მათ ბრალს დღეს, 17 ივლისს წარუდგენენ.
„რასისტული და ქსენოფობიური ქცევის მონიტორინგის ცენტრი“ დაკავების ამსახველ ვიდეოს აქვეყნებს. როგორც ორგანიზაცია წერს, პოლიციის თანამშრომლები არაოფიციალურად აცხადებენ, რომ კამერებიდან ამოღებულ ჩანაწერებში პედოფილური ქმედებები არ დაფიქსირებულა.
