ბრალდების მხარე თბილისის საქალაქო სასამართლოს გამამართლებელ განაჩენს, რომლითაც განსაკუთრებით დიდი ოდენობით ნარკოტიკული საშუალების უკანონო შეძენა-შენახვისთვის ბრალდებული თედო აბრამოვი უდანაშაულოდ იქნა ცნობილი, გაასაჩივრებს.
ახალი ამბები
მკითხველის რჩეული
- 1 თავდაცვის ყოფილი მინისტრის მოადგილე და ნათესავი დააკავეს 1.3 მლნ-ის გაფლანგვის ბრალდებით
- 2 თეა წულუკიანი ნანუკა ჟორჟოლიანს ცილისწამებისთვის სასამართლოში უჩივის
- 3 სტრასბურგის სასამართლომ გამოაქვეყნა კითხვები მზია ამაღლობელის საქმეზე
- 4 რუსეთი ალეკო ელისაშვილს დაუსწრებლად ასამართლებს უკრაინაში ბრძოლისთვის
- 5 „სამედიცინო დახმარება თუ გინდა, სხვა ქვეყნებიც არის“ - კობახიძე უვიზოს შესაძლო შეჩერებაზე
- 6 „ოცნების“ ყოფილი დეპუტატი ლუკა კურტანიძე ყოფილ ცოლზე ძალადობის შემდეგ დააკავეს
„შინაგან საქმეთა სამინისტროს მიერ ჩატარებული გამოძიებით დადგინდა, რომ ბრალდებულმა უკანონოდ შეიძინა და ინახავდა ნარკოტიკულ საშუალება „მდმა“ (3,4 - მეთილენდიოქსიმეტაფეტამინი) წონით 4.41548 გრამს.
სისხლის სამართლის საქმეზე მოპოვებული მტკიცებულებები სრულად იქნა გამოკვლეული თბილისის საქალაქო სასამართლოში. მიუხედავად ამისა, სასამართლომ არ გაიზიარა ბრალდების მხარის მიერ გამოკვლეული მტკიცებულებები, ბრალდებული უდანაშაულოდ ცნო წარდგენილ ბრალდებაში და პატიმრობიდან გაათავისუფლა.
საქართველოს პროკურატურა თბილისის საქალაქო სასამართლოს განაჩენს, სამოტივაციო ნაწილის ჩაბარების შემდეგ, კანონით დადგენილ ვადაში თბილისის სააპელაციო სასამართლოში გაასაჩივრებს“, - აცხადებს პროკურატურა.
პროევროპული აქციების მონაწილე, ნარკოდანაშაულის ბრალდებით დაკავებული 22 წლის თევდორე (თედო) აბრამოვი 8-თვიანი პატიმრობის შემდეგ, სასამართლო სხდომათა დარბაზიდან გაათავისუფლეს. გამამართლებელი განაჩენი მოსამართლე თამარ მჭედლიშვილმა დღეს, 15 აგვისტოს, გამოაცხადა.
თედო აბრამოვი წარდგენილ ბრალდებაში თავს დამნაშავედ არ ცნობდა და აცხადებდა, რომ ნარკოტიკი ჩაუდეს. სისხლის სამართლის საქმეში არ არსებობდა მისი ჩხრეკის და ნარკოტიკული საშუალების ამოღების ამსახველი ვიდეომასალა. აბრამოვის ჩხრეკას პოლიციელების გარდა არავინ დასწრებია.
აბრამოვი 2024 წლის 7 დეკემბერს საკუთარ სახლთან დააკავეს. მას ბრალი განსაკუთრებით დიდი ოდენობით ნარკოტიკული საშუალების უკანონო შეძენა ან/და შენახვის მუხლით წარუდგინეს, რაც 8-დან 20 წლამდე ან უვადო თავისუფლების აღკვეთით ისჯება.
იგივე მუხლით იყო დაპატიმრებული პროევროული აქციების კიდევ ერთი აქტიური მონაწილე, ექიმი გიორგი ახობაძე. 6 აგვისტოს, მოსამართლემ არასაკმარისი მტკიცებულებების გამო ის წარდგენილ ბრალდებაში გაამართლა და სასამართლო დარბაზიდან გაათავისუფლა.
