რუსეთის პრეზიდენტმა ვლადიმერ პუტინმა სახელმწიფო დუმას რატიფიკაციისთვის წარუდგინა შეთანხმება სამხრეთ ოსეთთან სამხედრო-ტექნიკური თანამშრომლობის განვითარების შესახებ. როგორც ირკვევა, დოკუმენტს ხელი ოკუპირებულ ცხინვალში 2023 წლის 23 აგვისტოს მოაწერეს.
ახალი ამბები
მკითხველის რჩეული
- 1 ირლანდიიდან საქართველოს 32 მოქალაქის დეპორტაცია განხორციელდა
- 2 პროკურორი ბაჩიაშვილის ქვეყნიდან წასვლაზე: „აუცილებლად დაიწყება გამოძიება“
- 3 მაკრონმა უკრაინაში ცეცხლის ნაწილობრივ შეწყვეტის ერთთვიან გეგმაზე ისაუბრა
- 4 რუსეთის დაზვერვა: EU საქართველოში აქციის მონაწილეებს დღიურად 120 ევროს გადაუხდის
- 5 მზია ამაღლობელს კლინიკიდან პენიტენციურ დაწესებულებაში დღეს დააბრუნებენ
- 6 კობახიძე: აქედანვე შემიძლია გითხრათ, რომ თვითმმართველობის არჩევნებს მოვიგებთ
რუსული სახელმწიფო მედიის ინფორმაციით, განმარტებით ბარათში აღნიშნულია, რომ „შეთანხმება მიზნად ისახავს სამხედრო-ტექნიკურ სფეროში თანამშრომლობის გაღრმავებას“.
„ამ შეთანხმების განხორციელება ხელს შეუწყობს თანამშრომლობის გაღრმავებას სამხედრო-ტექნიკურ სფეროში რუსეთის ფედერაციისა და სამხრეთ ოსეთის რესპუბლიკის თავდაცვისუნარიანობის გაძლიერების მიზნით“, - ნათქვამია რუსეთის მთავრობის დასკვნაში.
გარდა ამისა, პუტინმა შეთანხმების რატიფიცირებისთვის მის ოფიციალურ წარმომადგენლად სამხედრო-ტექნიკური თანამშრომლობის ფედერალური სამსახურის დირექტორის მოადგილე რამილ საიფუტდინოვი დანიშნა.
2015 წელს რუსეთმა და სამხრეთ ოსეთის დე ფაქტო რესპუბლიკამ ხელი მოაწერეს მოკავშირეობისა და ინტეგრაციის შეთანხმებას, რომლის მიხედვითაც მათ თავდაცვისა და უსაფრთხოების საერთო სივრცე უნდა შექმნან. რუსეთმა პირობა დადო, რომ უზრუნველყოს დე ფაქტო სამხრეთ ოსეთის დაცვასა და უსაფრთხოებას. შეთანხმებაში ნათქვამია, რომ სხვა სახელმწიფოს მიერ ერთ-ერთი ქვეყნის წინააღმდეგ აგრესია განიხილება, როგორც აგრესია მეორე ქვეყნის წინააღმდეგაც.
