ՌԴ նախագահ Վլադիմիր Պուտինը Պետդումայի վավերացմանն է ներկայացրել Հարավային Օսիայի հետ ռազմատեխնիկական համագործակցության զարգացման մասին համաձայնագիր։ Ինչպես պարզվում է, փաստաթուղթը ստորագրվել է օկուպացված Ցխինվալիում 2023 թվականի օգոստոսի 23-ին։
Լրահոս
Ընթերցողի ընտրանի
- 1 ՌԴ արտաքին հետախուզությունը հայտնում է, որ ԱՄՆ-ը «գունավոր հեղափոխություն» է նախապատրաստում Վրաստանում
- 2 «Վրացական երազանքը» դադարել է երազանք լինելուց, այն դարձել է մղձավանջ. նախագահ
- 3 Թբիլիսիում երկաթուղային վթարի հետևանքով զոհվել է «Վրացական երկաթուղու» 2 աշխատակից
- 4 Ես պատրաստ եմ ստանձնել մեծ պատասխանատվություն, ներառյալ երկրորդ ժամկետով. Զուրաբիշվիլի
- 5 «Մենք ուժ կգտնենք մեր մեջ, որպեսզի ներողություն խնդրենք». Իվանիշվիլին՝ 2008 թվականի պատերազմի մասին
- 6 Դեդոփլիծղարոյում արհեստական լճում ինքնազգացողությունը վատացած 16-ամյա դեռահասը մնում է կլինիկայում
Ինչպես հաղորդում են ռուսական պետական լրատվամիջոցները, բացատրական գրության մեջ նշվում է, որ «համաձայնագիրն ուղղված է ռազմատեխնիկական ոլորտում համագործակցության խորացմանը»։
«Այս համաձայնագրի իրականացումը կնպաստի ռազմատեխնիկական ոլորտում համագործակցության խորացմանը՝ Ռուսաստանի Դաշնության և Հարավային Օսիայի Հանրապետության պաշտպանունակության ամրապնդման նպատակով»,- ասված է ՌԴ կառավարության եզրակացության մեջ։
Բացի այդ, Պուտինը համաձայնագրի վավերացման հարցերով իր պաշտոնական ներկայացուցիչ է նշանակել Ռազմատեխնիկական համագործակցության դաշնային ծառայության փոխտնօրեն Ռամիլ Սայֆուտդինովին։
2015 թվականին Ռուսաստանը և Հարավային Օսիայի դե ֆակտո հանրապետությունը դաշինքի և ինտեգրացիոն համաձայնագիր են ստորագրել, ըստ որի՝ պետք է ընդհանուր տարածք ստեղծեն պաշտպանության և անվտանգության համար։ Ռուսաստանը պարտավորվել է ապահովել դե ֆակտո Հարավային Օսիայի պաշտպանությունն ու անվտանգությունը։ Համաձայնագրում ասվում է, որ մեկ այլ պետության ագրեսիան երկրներից մեկի նկատմամբ համարվում է ագրեսիա նաև մյուս երկրի դեմ։