რუსეთის მიერ ოკუპირებული, ე.წ. დონეცკის სახალხო რესპუბლიკის უზენაესმა სასამართლომ საქართველოს მოქალაქეს, ოპოზიციური პარტია „ერთიანი ნაციონალური მოძრაობის“ ერთ-ერთ ლიდერს, გიორგი ბარამიძეს ექვსი წლითა და ექვსი თვით თავისუფლების აღკვეთა მიუსაჯა.
ახალი ამბები
მკითხველის რჩეული
- 1 გორში პოლიციელების მიერ ნაცემი პირი წინააღმდეგობის გაწევის ბრალდებით დააკავეს
- 2 გიგა ავალიანის საქმე: დემეტრე ჩიქოვანს 9 წელი და 9 თვე, ანი ნასყიდაშვილს 5 წელი და 3 თვე მიესაჯა
- 3 პროკურატურამ გორში ნაცემი პაპუნა ლოცულაშვილისთვის ბრალის წარდგენაზე უარი თქვა
- 4 6 პოლიციელი დააკავეს გორში მოქალაქეებზე ძალადობის ბრალდებით
- 5 „ყველა სცემდა, ვინც მოვიდა“ - გორში პოლიციელებმა მოქალაქეები სასტიკად სცემეს
- 6 „პოლიციელს ქვით დაუზიანა ჯანმრთელობა“ – შს მინისტრის მოადგილე გორში ძალადობაზე
ბარამიძე დაუსწრებლად ცნეს დამნაშავედ რუსეთის ფედერაციის სისხლის სამართლის კოდექსის 359-ე მუხლის მე-3 ნაწილის შესაბამისად, „უკრაინის მხარეს სამხედრო მოქმედებებში მონაწილეობისთვის“.
რუსული მხარის განცხადებით, 2022 წლის თებერვალში, გიორგი ბარამიძე დაქირავებული მეომრის სტატუსით ჩავიდა უკრაინაში, სადაც ის „საქართველოს ეროვნულ ლეგიონს“ შეუერთდა.
„სასწავლო ბაზებზე მან გაიარა სამხედრო მომზადება, რომელიც მიზნად ისახავდა საბრძოლო იარაღის გამოყენების უნარების შეძენას, შეიარაღებულ კონფლიქტში მონაწილეობისთვის აუცილებელი სტრატეგიის, ტაქტიკისა და საბრძოლო ტექნიკის შესწავლას. 2022 წლის აპრილამდე მონაწილეობდა რუსეთის შეიარაღებული ძალების წევრების წინააღმდეგ საბრძოლო ოპერაციებში. ამისათვის მან 238 000 რუბლზე მეტი მიიღო“, - აცხადებს რუსეთის ფედერაციის საგამოძიებო კომიტეტი.
რუსეთმა გიორგი ბარამიძეზე საერთაშორისო ძებნა გამოაცხადა.
ანალოგიური ბრალდებით, რუსეთმა 6 წლიანი პატიმრობა მიუსაჯა კიდევ ერთ ქართველ ოპოზიციონერს, კოალიცია „ძლიერი საქართველოს“ ერთ-ერთ ლიდერს, ალექსანდრე ელისაშვილს. ამჟამად, ელისაშვილი ქართულ ციხეში წინასწარ პატიმრობაში იმყოფება. „ქართული ოცნების“ პროკურატურა მას თბილისის საქალაქო სასამართლოს კანცელარიის შენობაში ტერორისტული აქტის ჩადენის მცდელობას ედავება. პოლიტიკოსი ბრალს არ აღიარებს.
