რუსეთის მიერ ოკუპირებული ცხინვალის რეგიონის ახალგორისა და ჯავის რაიონების მოსახლეობისთვის ე.წ. გამშვები პუნქტები, 14-18 აპრილს, აღდგომის დღესასწაულთან დაკავშირებით გაიხსნება.
ახალი ამბები
მკითხველის რჩეული
- 1 „ოცნების“ საარჩევნო ქოლცენტრები რეგიონებში და ზეწოლა ამომრჩევლებზე
- 2 თეთრიწყაროს მოსამართლემ 30 უბნის შედეგები გააუქმა ხმის ფარულობის დარღვევის გამო
- 3 Edison: ეგზიტპოლსა და ცესკოს შედეგებს შორის 13%-იანი სხვაობა მანიპულირებაზე მიუთითებს
- 4 „გვაქვს 81 ფაქტი და ეს სისტემურობაზე მიუთითებს“ - „ოცნება“ ოპოზიციას ხმების მოპარვაში ადანაშაულებს
- 5 აქციებზე ჟურნალისტებისთვის მუშაობაში უკანონოდ ხელის შეშლის ფაქტებზე გამოძიება დაიწყო
- 6 არჩევნების დროს საქართველოში აშშ-ის მიერ სანქცირებული რუსი პროპაგანდისტი იმყოფებოდა
დე ფაქტო უშიშროების საბჭოს დღევანდელ სხდომაზე, რომელსაც ე.წ. პრეზიდენტი ალან გაგლოევიც ესწრებოდა, გადაწყდა, რომ ოკუპირებული რაიონების მცხოვრებლები „რაზდახანის“ (ოძისი/მოსაბრუნი) და „პერეუს“ (პერევი) გამშვები პუნქტებით დე ფაქტო საზღვრის გადაკვეთას 14 აპრილს, პარასკევს, დილის 8 საათიდან შეძლებენ. გადაადგილება 18 აპრილს, საღამოს 8 საათზე კვლავ შეიზღუდება.
ადგილობრივი მედიის ინფორმაციით, სამხრეთ ოსეთის დე ფაქტო რესპუბლიკის ძალოვანი უწყებები, აღდგომის პერიოდში, გაძლიერებულ რეჟიმში იმუშავებენ.
2022 აგვისტოში მიღებული გადაწყვეტილებით, „რაზდახანის“ და „პერეუს“გადასასვლელები ყოველი თვის 20-დან 30 რიცხვამდე მუშაობს. მანამდე, თითქმის სამი წლის განმავლობაში, ოკუპირებული ცხინვალის მიმართულებით გადაადგილება აკრძალული იყო.
ე.წ. საზღვრის გადაკვეთისთვის საჭიროა დე ფაქტო ხელისუფლების მიერ გაცემული პასპორტი/დაბადების მოწმობა ან ე.წ. სახელმწიფო უშიშროების კომიტეტის სპეციალური საშვის ქონა.
