თბილისის სააპელაციო სასამართლომ რუსული კანონის მოწინააღმდეგე გორელი ბიზნესმენისა და აქტივისტის, იოსებ ბაბაევის საქმეზე გორის რაიონული სასამართლოს მოსამართლის, ლევან დარბაიძის გადაწყვეტილება ნაწილობრივ შეცვალა. მოსამართლე დავით ახალბედაშვილმა პოლიციის მიერ ბაბაევის ავტომანქანის ჩხრეკა, რა დროსაც თითქოს ცეცხლსასროლი იარაღი ამოიღეს, კანონიერად ცნო, ხოლო პირადი ჩხრეკა - უკანონოდ. პროკურატურა პირველი ინსტანციის სასამართლოს გადაწყვეტილების სრულად გაუქმებას და ყველა საგამოძიებო მოქმედების კანონიერად ცნობას ითხოვდა.
ახალი ამბები
მკითხველის რჩეული
- 1 აქციების დროს თბილისში რუსეთის პოლიციის პროფკავშირების ასოციაციის უფროსი იმყოფებოდა
- 2 უილსონი: თუ ივანიშვილი 29 დეკემბრის გეგმას განახორციელებს, წარმოუდგენელ პასუხს უნდა ელოდეს
- 3 ბალტიის ზღვაში კაბელის დაზიანებაში ეჭვმიტანილი გემის კაპიტანი საქართველოს მოქალაქეა
- 4 რას ამბობს გდდ-ის ყოფილი მაღალჩინოსანი საქართველოდან გამგზავრებამდე მიცემულ ინტერვიუში
- 5 დაძაბულობაა ბოლნისში, სადაც ავტოავარიას ორი არასრულწლოვანი ემსხვერპლა
- 6 მოხელის შეფასება 6 თვეში ერთხელ და ხელფასის 20%-ის დაკავება - რა ცვლილებები მიიღო „ოცნებამ“
„როგორც პირადი, ისე ავტომობილის ჩხრეკა ერთსა და იმავე გარემოებებში მიმდინარეობდა. შესაბამისად, თუკი პირადი ჩხრეკა იყო უკანონო, ავტომობილის ჩხრეკაც უკანონოდ უნდა ყოფილიყო მიჩნეული.
პროკურატურის საჩივრის ნაწილობრივ დაკმაყოფილებით, ფაქტობრივად, სასამართლომ კანონიერად ცნო საგამოძიებო ქმედების ის ნაწილი, როდესაც ავტომანქანიდან ამოღებული იქნა ცეცხლსასროლი იარაღი. შესაბამისად, პროკურატურას ახლა უკვე აქვს საფუძველი იმისა, რომ იოსებ ბაბაევს წაუყენოს ბრალი და საქმე გადასცეს სასამართლოს“, - განაცხადა ადვოკატმა ალექსი მერებაშვილმა.
სააპელაციო სასამართლოში დღევანდელი სხდომა მხარეთა დასწრების გარეშე გაიმართა. ადვოკატის თქმით, განჩინების ჩაბარებამდე მისთვის უცნობია, რა არგუმენტები აქვს მოსამართლე ახალბედაშვილს.
იოსებ ბაბაევი მიიჩნევს, რომ სააპელაციო სასამართლო გავლენის ქვეშ მოექცა და უკანონობა დააკანონა. „სამარცხვინოა. ვწუხვარ ამ გადაწყვეტილების გამო. ბოლომდე ვიბრძოლებ“, - თქვა მან.
„რესტო ბარის“ მეპატრონე იოსებ ბაბაევი 4 ივნისს, საღამოს, სისხლის სამართლის კოდექსის 236-ე მუხლის საფუძველზე დააკავეს, რაც იარაღის უკანონოდ შეძენა-შენახვა-ტარებას გულისხმობს და 2 წლამდე თავისუფლების აღკვეთით ისჯება. პროკურატურამ მას ბრალი ვეღარ წარუდგინა, რადგან მოსამართლე ლევან დარბაიძემ უკანონოდ ცნო პოლიციის მიერ ჩატარებული ყველა საგამოძიებო მოქმედება და იარაღი, რომელიც თითქოს ბაბაევის მანქანიდან ამოიღეს, დაუშვებელ მტკიცებულებად მიიჩნია. ბაბაევმა დროებითი მოთავსების იზოლატორი 6 ივნისს დატოვა.
იოსებ ბაბაევი ისე გაჩხრიკეს, რომ პოლიციელების გარდა ამ პროცესს არავინ ესწრებოდა. საქმეში ჩხრეკის ამსახველი ვიდეომასალაც არ არსებობს. ამასთან, ბაბაევს სხეულის დაზიანებები ჰქონდა მიღებული. მან თქვა, რომ პოლიციელები ფიზიკურად გაუსწორდნენ.
