საქართველოს ცენტრალურმა საარჩევნო კომისიამ 26 ოქტომბრის საპარლამენტო არჩევნებისთვის საზღვარგარეთ, 7 ქალაქში - ნიუ-იორკში, ბერლინში, ბარსელონაში, რომში, ათენში, სალონიკსა და პარიზში დამატებით თითო-თითო საარჩევნო უბნის გახსნა გადაწყვიტა.
ახალი ამბები
მკითხველის რჩეული
- 1 „ოცნების“ საარჩევნო ქოლცენტრები რეგიონებში და ზეწოლა ამომრჩევლებზე
- 2 თეთრიწყაროს მოსამართლემ 30 უბნის შედეგები გააუქმა ხმის ფარულობის დარღვევის გამო
- 3 Edison: ეგზიტპოლსა და ცესკოს შედეგებს შორის 13%-იანი სხვაობა მანიპულირებაზე მიუთითებს
- 4 „გვაქვს 81 ფაქტი და ეს სისტემურობაზე მიუთითებს“ - „ოცნება“ ოპოზიციას ხმების მოპარვაში ადანაშაულებს
- 5 არჩევნების დროს საქართველოში აშშ-ის მიერ სანქცირებული რუსი პროპაგანდისტი იმყოფებოდა
- 6 კორძაია ომბუდსმენს სთხოვს პასუხს, დაირღვა თუ არა ამომრჩევლის ხმის ფარულობა არჩევნებზე
ამ დროის მონაცემებით, საპარლამენტო არჩევნებისთვის საზღვარგარეთ, 42 ქვეყნის 53 ქალაქში 67 საარჩევნო უბანი გაიხსნება. ცესკოს განკარგულების მიხედვით, დამატებითი უბნების მისამართებია:
- №61 საარჩევნო უბანი - ამერიკის შეერთებული შტატები, ქ. ნიუ-იორკი, მის: 144 აღმოსავლეთის 44-ე ქუჩა, მე-4 სართული, ქ. ნიუ-იორკი, ნიუ იორკი 10017/144 E 44th steet, 4th floor, New York, NY 10017;
- №62 საარჩევნო უბანი - გერმანიის ფედერაციული რესპუბლიკა, ქ. ბერლინი, მის.: რაუხშტრასე 11, 10787 ბერლინი/Rauchstraße 11, 10787 Berlin;
- №63 საარჩევნო უბანი - ესპანეთის სამეფო, ქ. ბარსელონა, მის.: ქ. ბარსელონა, პასეო დე გრასია 7, 3 მარჯვენა/Kingdom of Spain, Barcelona 08007, Paseo de Gracia №7, 3 derecha;
- №64 საარჩევნო უბანი - იტალიის რესპუბლიკა, ქ. რომი, მის.: ვია დელ პლებიშიტო, 102, 00186 რომი/Via Del Plebiscito, 102, 00186 Roma, Italia;
- №65 საარჩევნო უბანი - საბერძნეთის რესპუბლიკა, ქ. ათენი, მის.: არგონავტონის ქ. 11, ატიკის ოლქი, ხალანდრი/11 Argonavton str., Khalandri, Attica, P.C. 15232, Athens, Greece;
- №66 საარჩევნო უბანი - საბერძნეთის რესპუბლიკა, ქ. სალონიკი, მის.: მიტროპოლიტუ ამვროსიუ მოსხონისიონ 11, 546 55/Mitropolitou Amvrosiou Moschonision 11, 546 55;
- №67 საარჩევნო უბანი - საფრანგეთის რესპუბლიკა, ქ. პარიზი, მის.: 8 რუ ბრემონწიე 75017 პარიზი/8 Rue Bremontier 75017 Paris.
დამატებითი საარჩევნო უბნების გახსნის საფუძველი გახდა საგარეო საქმეთა სამინისტროს მიერ ცესკოსთვის გადაცემული განახლებული მონაცემები ამ ქალაქებში საკონსულო აღრიცხვაზე მყოფ მოქალაქეთა შესახებ.
„სხვა სახელმწიფოში საარჩევნო უბნები იქმნება არაუმეტეს 3000 ამომრჩევლისთვის. საქართველოს ცენტრალურ საარჩევნო კომისიაში წარმოდგენილი განახლებული მონაცემების თანახმად, ზოგიერთ უბანთან, ქალაქთან მიმართებით გაზრდილია ამომრჩეველთა რაოდენობა ისე, რომ აჭარბებს მაქსიმალურ დასაშვებ რაოდენობას“, - განაცხადა გიორგი სანტურიანმა, ცესკოს იურიდიული დეპარტამენტის უფროსმა.
განახლებული მონაცემების მიხედვით, საზღვარგარეთ ხმის მიცემის უფლების მქონე ამომრჩეველთა რაოდენობა 95 834-ს შეადგენს. საკონსულო აღრიცხვაზე დადგომის ვადა 7 ოქტომბერს ამოიწურა.
