საქართველოს ეროვნული საფეხბურთო ნაკრები ისტორიაში პირველად ევროპის ჩემპიონატზე ითამაშებს.
ახალი ამბები
მკითხველის რჩეული
- 1 აქციების დროს თბილისში რუსეთის პოლიციის პროფკავშირების ასოციაციის უფროსი იმყოფებოდა
- 2 უილსონი: თუ ივანიშვილი 29 დეკემბრის გეგმას განახორციელებს, წარმოუდგენელ პასუხს უნდა ელოდეს
- 3 ბალტიის ზღვაში კაბელის დაზიანებაში ეჭვმიტანილი გემის კაპიტანი საქართველოს მოქალაქეა
- 4 რას ამბობს გდდ-ის ყოფილი მაღალჩინოსანი საქართველოდან გამგზავრებამდე მიცემულ ინტერვიუში
- 5 დაძაბულობაა ბოლნისში, სადაც ავტოავარიას ორი არასრულწლოვანი ემსხვერპლა
- 6 მოხელის შეფასება 6 თვეში ერთხელ და ხელფასის 20%-ის დაკავება - რა ცვლილებები მიიღო „ოცნებამ“
„ევრო 2024“-ის საკვალიფიკაციო ეტაპის პლეიოფის ფინალი საქართველოსა და საბერძნეთს შორის „დინამო არენაზე“ გაიმართა. მატჩის ძირითადი და დამატებითი დრო ფრედ, 0:0 დასრულდა. თამაშის ბედი პენალტების სერიაში გადაწყდა, სადაც საქართველომ საბერძნეთი 4:2 დაამარცხა. მეტოქის კარში გოლი გიორგი ქოჩორაშვილმა, ზურიკო დავითაშვილმა, ლაშა დვალმა და ნიკა კვეკვესკირმა გაიტანეს.
„მადლობა ქართველ გულშემატკივარს. 120 წუთი ასეთი გულშემატკივრობა... ბევრ სტადიონზე მაქვს ნათამაშები, მაგრამ ასეთი რამ არსად მინახავს. თქვენ იყავით ერთ-ერთი ყველაზე მნიშვნელოვანი ფაქტორი იმისა, რომ დღეს ჩვენ გავიმარჯვეთ“, - განაცხადა ხვიჩა კვარაცხელიამ.
საქართველოს ნაკრები ევროპის ჩემპიონატზე პირველ თამაშს 18 ივნისს, დორტმუნდში, თურქეთის ნაკრების წინააღმდეგ ითამაშებს.
საქართველოს ევროპის ჩემპიონატზე გასვლის შანსი 4 წლის წინაც ჰქონდა, თუმცა მაშინ პლეიოფის ფინალში ჩრდილოეთ მაკედონიასთან დამარცხდა.
