28-29 ოქტომბერს საქართველოს ოფიციალური ვიზიტით უნგრეთის პრემიერ-მინისტრი ვიქტორ ორბანი ეწვევა. უნგრელ კოლეგას საქართველოს პრემიერ-მინისტრი ირაკლი კობახიძე უმასპინძლებს.
ახალი ამბები
მკითხველის რჩეული
- 1 რატომ უნდა შეეჩერებინა საკონსტიტუციოს რუსული კანონის მოქმედება - 2 მოსამართლის განსხვავებული აზრი
- 2 თსუ-ის ფაკულტეტმა არ ისურვა ჩემთან ურთიერთობის გაგრძელება - დიტო საძაგლიშვილი
- 3 კობახიძე შუქრუთელების პროტესტზე - ასეთი აქციები ხშირად ემთხვევა წინასაარჩევნო პერიოდს
- 4 ზურაბიშვილი: ივანიშვილმა ომი გამოუცხადა ჩვენს მეგობრებს, რომ მოსკოვის გვერდით დამდგარიყო
- 5 რუსეთი მზადაა საქართველოს „აფხაზეთისა და სამხრეთ ოსეთის ქვეყნებთან“ შერიგებაში დაეხმაროს
- 6 ამ მთავრობამ ან პირი იცვალა, ან თავიდანვე შენიღბულად პრორუსული იყო - ზურაბიშვილი
მთავრობის ადმინისტრაციის ინფორმაციით, უნგრეთის პრემიერ-მინისტრი საქართველოს სამთავრობო დელეგაციასთან ერთად ეწვევა, რომლის შემადგენლობაში არიან უნგრეთის საგარეო საქმეთა და ვაჭრობის მინისტრი პიტერ სიიარტო, უნგრეთის ეკონომიკური განვითარების მინისტრი მარტონ ნადი, უნგრეთის ფინანსთა მინისტრი მიხაი ვარგა, სახელმწიფო მდივანი იანოშ მატე და სხვა ოფიციალური პირები.
უნგრეთის პრემიერ-მინისტრმა, „ქართულ ოცნებას“ საპარლამენტო არჩევნებში გამარჯვება ტელეკომპანია „იმედის“ ჩატარებული ეგზიტპოლის შედეგების გამოცხადებისთანავე მიულოცა, როცა ცენტრალურ საარჩევნო კომისიას ჯერ წინასწარი შედეგებიც არ ჰქონდა გამოცხადებული.
„ვულოცავ პრემიერ-მინისტრ კობახიძეს და „ქართულ ოცნებას“ უდიდესი უპირატესობით მოპოვებულ გამარჯვებას საპარლამენტო არჩევნებში. საქართველოში ხალხმა იცის, რა არის მათი ქვეყნისთვის საუკეთესო და დღეს მათი ხმა გაისმა!“, - დაწერა ორბანმა X-ზე.
„იმედის“ ეგზიტპოლის თანახმად, „ქართულმა ოცნებამ“ საპარლამენტო არჩევნებში ხმათა 56,1% დააგროვა. სხვა ეგზიტპოლების მიხედვით, არჩევნები ოპოზიციამ მოიგო და მმართველ პარტიას მხოლოდ 40.9% აქვს. ცესკოს წინასწარი მონაცემებით (დათვლილია უბნების 99,968%) „ქართულმა ოცნებამ“ ამომრჩეველთა ხმების 53.92% მიიღო.
ვიქტორ ორბანი საქართველოში 2012 წლის საპარლამენტო არჩევნებამდე ოთხი დღით ადრეც იმყოფებოდა და მაშინ პრეზიდენტ სააკაშვილის მხარდამჭერი განცხადებები გააკეთა.