აბსოლუტური საბრძოლო ჩემპიონატის (UFC) ქართველი ჩემპიონი მერაბ დვალიშვილი ამბობს, რომ ქველმოქმედებას მოახმარს მილიონ ლარს, რომელიც პრემიერ-მინისტრ ირაკლი კობახიძის განცხადებით, მას ჯილდოს სახით სახელმწიფოსგან გადაეცემა.
ახალი ამბები
მკითხველის რჩეული
- 1 „ოცნების“ საარჩევნო ქოლცენტრები რეგიონებში და ზეწოლა ამომრჩევლებზე
- 2 თეთრიწყაროს მოსამართლემ 30 უბნის შედეგები გააუქმა ხმის ფარულობის დარღვევის გამო
- 3 Edison: ეგზიტპოლსა და ცესკოს შედეგებს შორის 13%-იანი სხვაობა მანიპულირებაზე მიუთითებს
- 4 „გვაქვს 81 ფაქტი და ეს სისტემურობაზე მიუთითებს“ - „ოცნება“ ოპოზიციას ხმების მოპარვაში ადანაშაულებს
- 5 არჩევნების დროს საქართველოში აშშ-ის მიერ სანქცირებული რუსი პროპაგანდისტი იმყოფებოდა
- 6 კორძაია ომბუდსმენს სთხოვს პასუხს, დაირღვა თუ არა ამომრჩევლის ხმის ფარულობა არჩევნებზე
დვალიშვილის თქმით, სურს საქართველოში ჯიუ-ჯიცუს და ჭიდაობის დარბაზები გახსნას, სადაც ახალგაზრდებს ვარჯიშის საშუალება მიეცემათ.
„ამ საჩუქარს ნამდვილად არ ველოდი. იცით, რომ ჩვენ პროფესიონალი სპორტსმნენები ვართ, არ ვართ სახელმწიფოს, ფედერაციის ან ა.შ. ბალანსზე. ჩვენ დამოუკიდებლად მივაღწიეთ ამ ყველაფერს. მადლობა ამ საჩუქრისთვის, რა თქმა უნდა. ამ თანხას სრულად მოვახმარ ქველმოქმედებას, ქართული სპორტის და MMA-ს განვითარებას საქართველოში“, - თქვა დვალიშვილმა.
დღეს ცნობილი გახდა, რომ მთავრობის გადაწყვეტილებით, მერაბ დვალიშვილს და UFC-ის კიდევ ერთ ქართველ ჩემპიონს, ილია თოფურიას ფულადი ჯილდო, მილიონ-მილიონი ლარი გადაეცემათ. როგორც პრემიერმა ირაკლი კობახიძემ თქვა, სპორტულ წარმატებას და ქვეყნისთვის მოპოვებულ გამარჯვებას სათანადო დაფასება ჭირდება.
33 წლის მერაბ დვალიშვილმა ამერიკელი შონ ო’მალი 15 სექტემბერს დაამარცხა და UFC-ის სუპერმსუბუქი წონის ჩემპიონი გახდა. ის საქართველოში გუშინ დაბრუნდა და საჩემპიონო ქამარი სამშობლოში ჩამოიტანა.
რაც შეეხება ილია თოფურიას, მან ქვემსუბუქი წონის ჩემპიონის ტიტული მიმდინარე წლის თებერვალში მოიპოვა. საქართველოს პრეზიდენტმა ის ღირსების ორდენით დააჯილდოვა, საქართველოში შერეული საბრძოლო ხელოვნების პოპულარიზაციის საქმეში შეტანილი განსაკუთრებული პირადი წვლილისა და წარმატებული სპორტული საქმიანობისთვის.
