ვანის რაიონის ერთ-ერთი სოფლის საჯარო სკოლის უკვე ყოფილი დირექტორის ქმარი არასრულწლოვანი მოსწავლე გოგონას მიმართ სექსუალური ხასიათის ქმედების იძულების ბრალდებით დააკავეს. 62 წლის მამაკაცი სკოლაში მძღოლად იყო დასაქმებული და მიკროავტობუსით შორს მცხოვრები ბავშვების ტრანსპორტირებას უზრუნველყოფდა.
ახალი ამბები
მკითხველის რჩეული
- 1 „ოცნების“ საარჩევნო ქოლცენტრები რეგიონებში და ზეწოლა ამომრჩევლებზე
- 2 თეთრიწყაროს მოსამართლემ 30 უბნის შედეგები გააუქმა ხმის ფარულობის დარღვევის გამო
- 3 Edison: ეგზიტპოლსა და ცესკოს შედეგებს შორის 13%-იანი სხვაობა მანიპულირებაზე მიუთითებს
- 4 „გვაქვს 81 ფაქტი და ეს სისტემურობაზე მიუთითებს“ - „ოცნება“ ოპოზიციას ხმების მოპარვაში ადანაშაულებს
- 5 აქციებზე ჟურნალისტებისთვის მუშაობაში უკანონოდ ხელის შეშლის ფაქტებზე გამოძიება დაიწყო
- 6 ბჟანიას ქართველი დეპუტატები აფხაზეთში ფარულად ჩამოჰყავდა - არძინბა
მამაკაცი დანაშაულში რამდენიმე კვირის წინ ამხილეს. გავრცელებულ ვიდეომასალაში ჩანს, რომ მგზავრობისას მძღოლი ბავშვს არასასურველი კომენტარებით, სექსუალური დატვირთვის მქონე ეპითეტებით მიმართავს, მისკენ რამდენჯერმე იხრება და ხელს ჰკიდებს. ფაქტის გასაჯაროების შემდეგ, სკოლის დირექტორმა თანამდებობა დატოვა.
შინაგან საქმეთა სამინისტროს ინფორმაციით, სამართალდამცველებმა დანაშაულის ჩამდენი პირი მოსამართლის განჩინების საფუძველზე დააკავეს.
„გამოძიებით დადგინდა, რომ ვანის მუნიციპალიტეტის ერთ-ერთი სკოლის მიკროავტობუსის მძღოლმა ტ.მ.-მ, მგზავრობის დროს არასრულწლოვან გოგონას, სექსუალური ხასიათის მატარებელი საუბარი დაუწყო და მისი ნების საწინააღმდეგოდ სხეულზე შეეხო“, - ნათქვამია შსს-ს მიერ გავრცელებულ განცხადებაში.
საქმეზე გამოძიება სისხლის სამართლის კოდექსის 139-ე მუხლის მე-4 ნაწილის „ბ“ ქვეპუნქტით მიმდინარეობს, რაც წინასწარი შეცნობით არასრულწლოვნის მიმართ სექსუალური ხასიათის სხვაგვარი ქმედების იძულებას გულისხმობს.
დანაშაულის დამტკიცების შემთხვევაში, მძღოლს 9-დან 15 წლამდე ვადით თავისუფლების აღკვეთა ემუქრება.
