რუსეთიდან, სოჭის პორტიდან გამოსული საკრუიზო გემი Astoria Grande, რომელსაც 850 რუსი ტურისტი გადაჰყავს, ბათუმის ნავსადგურშია. ბათუმამდე ლაინერი თურქეთში იმყოფებოდა.
ახალი ამბები
მკითხველის რჩეული
- 1 „ოცნების“ საარჩევნო ქოლცენტრები რეგიონებში და ზეწოლა ამომრჩევლებზე
- 2 თეთრიწყაროს მოსამართლემ 30 უბნის შედეგები გააუქმა ხმის ფარულობის დარღვევის გამო
- 3 Edison: ეგზიტპოლსა და ცესკოს შედეგებს შორის 13%-იანი სხვაობა მანიპულირებაზე მიუთითებს
- 4 აქციებზე ჟურნალისტებისთვის მუშაობაში უკანონოდ ხელის შეშლის ფაქტებზე გამოძიება დაიწყო
- 5 „გვაქვს 81 ფაქტი და ეს სისტემურობაზე მიუთითებს“ - „ოცნება“ ოპოზიციას ხმების მოპარვაში ადანაშაულებს
- 6 ბჟანიას ქართველი დეპუტატები აფხაზეთში ფარულად ჩამოჰყავდა - არძინბა
„თქვენთან ძალიან ლამაზი ბუნებაა, ბოტანიკური ბაღი არაჩვეულებრივია, მის სანახავად მივდივართ. ოკუპაციის შესახებ არ ვიცით, თქვენ ჩვენი რაღაც რესპუბლიკა იყავით, საკავშირო და არა ოკუპირებული. რუსეთი ოკუპანტი არაა, ჩვენ რა, თქვენი ოკუპაცია მოვახდინეთ? ჩვენ გეხმარებოდით. აფხაზეთი თქვენგან გავათავისუფლეთ. მათ გვთხოვეს დახმარება. თქვენ ხომ ტანკებით შეხვედით იქ და ჩვენ ვნახეთ ის ტანკები. მე ვიყავი აფხაზეთში, ვნახე სახლები ფანჯრების გარეშე, რადგან ყველა თქვენს მიერ იყო დანგრეული. რუსეთი აფხაზეთს თქვენგან გათავისუფლებაში დაეხმარა“, - თქვა ჟურნალისტებთან საკრუიზო გემის ერთ-ერთმა მგზავრმა.
გემი პალაუს დროშის ქვეშ დაცურავს. საქართველოს საზღვაო ტრანსპორტის სააგენტოს ინფორმაციით, გემი ბათუმის ნავსადგურში ტრაბზონიდან შემოვიდა და მისი მფლობელი კომპანია საერთაშორისო სანქციებში არ ფიქსირდება.
„გემს თურქული საკრუიზო კომპანია Miray Cruises International-ი ემსახურება, გემთმფლობელი რეგისტრირებულია სეიშელის კუნძულებზე კომპანია Goodwin Shipping Limited-ის სახელით და საერთაშორისო სანქციებში არ ფიქსირდება.
თუკი გემი, ან გემის მფლობელი არის სანქციების სიაში, მას არ ეძლევა საქართველოს ნავსადგურებში შემოსვლისა და შესაბამისი პროცედურების განხორციელების უფლება“, - აცხადებენ საზღვაო ტრანსპორტის სააგენტოში და აღნიშნავენ, რომ საკრუიზო გემის შემოსვლა კომერციული ხასიათისაა.
Astoria Grande-მ სოჭის პორტი 22 ივლისს დატოვა. წელს პირველად ერთკვირიან საკრუიზო მარშრუტში ბათუმიც ჩართეს. როგორც რუსული სახელმწიფო ტელეარხი იუწყება, ზოგიერთმა მგზავრმა ეს რეისი სპეციალურად აირჩია, რათა ბათუმში ენახა.
მორიგი ასეთი ტური 29 ივლისიდან 5 აგვისტოს პერიოდში განხორციელდება. Astoria Grande, რომლის ბორტზე რუსული ესტრადის მომღერლებიც იქნებიან, სოჭიდან ტრაბზონში გაემგზავრება, შემდეგ ბათუმის პორტში შევა, საიდანაც ისევ თურქეთში დაბრუნდება და ამასრასა და სტამბოლში გაჩერდება. სტამბოლიდან გემი უკან, სოჭში გაემგზავრება.
