სოხუმში, ოკუპირებული აფხაზეთის დე ფაქტო პარლამენტის შენობასთან სროლა იყო, რის შედეგადაც ე.წ. დეპუტატები კან კვარჭია და ვახტანგი გოლანძია დაიჭრნენ. ადგილობრივი მედიის ინფორმაციით, სროლაში ეჭვმიტანილია კიდევ ერთი ე.წ. დეპუტატი ადგურ ხარაზია, რომელიც შემთხვევის ადგილიდან მიიმალა.
ახალი ამბები
მკითხველის რჩეული
- 1 მზია ამაღლობელის მხარდამჭერი აქციის გამო შსს-მ 9 ადამიანს სამართალდარღვევის ოქმი შეუდგინა
- 2 მოსკოვი მზადაა, რუსეთ-საქართველოს „ურთიერთობების ნორმალიზაცია“ გააგრძელოს
- 3 გომელაური, „ხარება“ და სხვა დასანქცირებული პოლიციელები ღირსების ორდენით დააჯილდოვეს
- 4 პატიმრის ადვოკატი: „სახის არცერთი ძვალი მთელი არ აქვს, ეს აღწერილი არაა და რატომ, გაუგებარია“
- 5 პოლიციის აკადემიის რექტორად სავარაუდო კორუფციაში მხილებული ლელა ჩიქოვანი დაინიშნა
- 6 თბილისის მერია „რიყის დოქებთან“ 16 წლის ბიჭის დაღუპვაზე პასუხისმგებლობას ირიდებს
სიცოცხლესთან შეუთავსებელი ჭრილობების გამო ვახტანგ გოლანძია გარდაიცვალა.
„რესპუბლიკურ საავადმყოფოში ორი პაციენტი გადმოიყვანეს. პაციენტი გოლანძია შემოყვანილი იქნა კლინიკური სიკვდილის მდგომარეობაში, ის დაუყოვნებლივ ავიყვანეთ რეანიმაციულ განყოფილებაში, დავიწყეთ გადაუდებელი რეანიამაციული ღონისძიებები, თუმცა, სამწუხაროდ, უშედეგო აღმოჩნდა. პაციენტი გარდაიცვალა. ასევე შემოიყვანეს პაციენტი კვარჭია მარცხენა მხრის ცეცხლნასროლი გამჭოლი და თავის თმიანი ნაწილის ჭრილობით. ის საოპერაციოში იმყოფება, ქირურგების ჯგუფი მუშაობს“, - განაცხადა საავადმყოფოს მთავარმა ექიმმა.
ერთ-ერთი აფხაზური Telegram-არხის თანახმად, დღეს დე ფაქტო პარლამენტში მაინინგის აკრძალვის შესახებ კანონპროექტს განიხილავდნენ, სხდომის მიმდინარეობსას ადგურ ხარაზიასა და კან კვარჭიას შორის კამათი მოხდა, რის შედეგადაც ხარაზიამ იარაღი ამოიღო და სროლა დაიწყო. გავრცელებული ინფორმაციით, დაღუპული ვახტანგ გოლანძია გამშველებელი იყო.
