სომხეთის თავდაცვის სამინისტროს განცხადებით, აზერბაიჯანელმა სამხედროებმა დღეს დილით, საზღვარზე, ნერქინ-ჰანდის რაიონში ცეცხლი გახსნეს, რის შედეგადაც, წინასწარი ინფორმაციით, ორი სომეხი ჯარისკაცი დაიღუპა და არიან დაჭრილებიც.
ახალი ამბები
მკითხველის რჩეული
- 1 აქციების დროს თბილისში რუსეთის პოლიციის პროფკავშირების ასოციაციის უფროსი იმყოფებოდა
- 2 უილსონი: თუ ივანიშვილი 29 დეკემბრის გეგმას განახორციელებს, წარმოუდგენელ პასუხს უნდა ელოდეს
- 3 ბალტიის ზღვაში კაბელის დაზიანებაში ეჭვმიტანილი გემის კაპიტანი საქართველოს მოქალაქეა
- 4 რას ამბობს გდდ-ის ყოფილი მაღალჩინოსანი საქართველოდან გამგზავრებამდე მიცემულ ინტერვიუში
- 5 დაძაბულობაა ბოლნისში, სადაც ავტოავარიას ორი არასრულწლოვანი ემსხვერპლა
- 6 მოხელის შეფასება 6 თვეში ერთხელ და ხელფასის 20%-ის დაკავება - რა ცვლილებები მიიღო „ოცნებამ“
აზერბაიჯნის ხელისუფლება სომხეთს პროვოკაციაში ადანაშაულებს და მომხდარზე პასუხისმგებლობას ქვეყნის სამხედრო-პოლიტიკურ ხელმძღვანელობას აკისრებს. მათი მტკიცებით, 12 თებერვალს, 20:50 საათიდან 23:40 საათამდე პერიოდში, სასაზღვრო ზონაში, ტავუშის პროვინციაში, აზერბაიჯანის პოზიციების მიმართულებით ცეცხლი სომეხმა სამხედროება გახსნეს.
აზერბაიჯანული მხარე აღნიშნავს, რომ 13 თებერვალს, სახელმწიფო სასაზღვრო სამსახურის ქვედანაყოფებმა „გუშინდელი პროვოკაციის“ საპასუხოდ „შურისძიების ოპერაცია“ ჩაატარეს, რის შედეგადაც ნერქინ-ჰანდის დასახლებულ პუნქტთან მდებარე სამხედრო პოსტი სრულად გაანადგურეს.
„სომხური მხარის ეს პროვოკაცია აზერბაიჯანსა და სომხეთს შორის სამშვიდობო პროცესზე სერიოზული დარტყმაა. ამავე დროს, ის ფაქტი, რომ მსგავსი პროვოკაცია მოხდა იმ ტერიტორიაზე, სადაც ევროკავშირის მისია დაკვირვებებს აწარმოებს, სერიოზულ კითხვებს აჩენს ამ მისიის მიზნებისა და ამოცანების შესახებ“, - ნათქვამია აზერბაიჯანის საგარეო საქმეთა სამინისტროს განცხადებაში.
სომხეთის თავდაცვის სამინისტრომ სომეხი სამხედროების მიერ ცეცხლის გახსნის შესახებ აზერბაიჯანის ბრალდება უარყო.
ამ დროისთვის სომხეთ-აზერბაიჯანის საზღვარზე ვითარება სტაბილურია. როგორც სომხეთის თავდაცვის სამინისტროში განაცხადეს, 09:30 საათისთვის, ნერქინ-ჰანდის რაიონში სროლა შეწყდა.
