სომხეთისა და საქართველოს მოქალაქეები საზღვარს პირადობის მოწმობით გადაკვეთენ

„ეს მართლაც ძალიან მნიშვნელოვანია ორმხრივი ვიზიტების ხელშეწყობის თვალსაზრისით. მაგრამ ასევე იქნება გარკვეული თანმდევი რისკები, რომელთა მართვაზე ჩვენ ქართველ პარტნიორებთან ერთად ვიმუშავებთ“, - განაცხადა ფაშინიანმა.

სომხეთსა და საქართველოს შორის ერთმანეთის მოქალაქეებისთვის უვიზო მიმოსვლის რეჟიმი მოქმედებს.

„მეზობელ საქართველოსთან განსაკუთრებული ურთიერთობების დამყარება ჩვენი საგარეო პოლიტიკური პრიორიტეტია. ეს ასევე აისახება მთავრობის გეგმაშიც. პრაქტიკაში ასევე არის რეგულარული კონტაქტები, ინტენსიური კავშირები ყველა შესაბამის პარტნიორ უწყებას შორის. საქართველო ასევე არის ერთ-ერთი საყვარელი ადგილი ჩვენი მოქალაქეებისთვის საქმიანი და დასასვენებელი მიზნებისთვის. 2019 წელს საქართველოს 1 მილიონ 365 ათასი მოქალაქე ესტუმრა. პანდემიის დროს უკუსვლა დაფიქსირდა და გვჯერა, რომ დინამიკა უახლოეს მომავალში აღდგება“, - აღნიშნა სომხეთის საგარეო საქმეთა მინისტრმა, არარატ მირზოიანმა.

საქართველოს ტურიზმის ეროვნული სააგენტოს მონაცემებით, სომხეთიდან საქართველოში 2021 წელს დაახლოებით 562 ათასი ვიზიტორი შემოვიდა, 2019 წელს - 1 მილიონ 365 ათასი.

საქართველოს პრემიერ-მინისტრის ირაკლი ღარიბაშვილი დღეს სამუშაო ვიზიტით სომხეთის რესპუბლიკაში იმყოფება. ვიზიტის ფარგლებში, საქართველოსა და სომხეთის რესპუბლიკის პრემიერ-მინისტრების ხელმძღვანელობით გაიმართება საქართველო-სომხეთის მთავრობათაშორისი ეკონომიკური კომისიის სხდომა. დაგეგმილია ასევე ორმხრივი, მაღალი დონის შეხვედრები.