11 ნოემბერს საქართველოს ევროკავშირის რვა ქვეყნის პარლამენტების საგარეო ურთიერთობათა კომიტეტების ხელმძღვანელთა დელეგაცია ეწვევა. ამის შესახებ ინფორმაციას გერმანიის ბუნდესტაგის საგარეო ურთიერთობათა კომიტეტის თავმჯდომარე მიხაელ როთი ავრცელებს.
ახალი ამბები
მკითხველის რჩეული
- 1 „ოცნების“ საარჩევნო ქოლცენტრები რეგიონებში და ზეწოლა ამომრჩევლებზე
- 2 სად გაიხსნება დამატებითი საარჩევნო უბნები საზღვარგარეთ
- 3 გახარიამ ჩორჩანაში საგუშაგო დადგა, მიზანი შეიარაღებული დაპირისპირების გამოწვევა იყო - მდინარაძე
- 4 სასამართლომ „ოცნების“ კლიპის არგაშვების გამო „მთავარი“, „პირველი“ და „ფორმულა“ დააჯარიმა
- 5 „ქართული ოცნების“ სარეკლამო კლიპის გადაღების შემდეგ JWT Metro-ს თანამშრომლები ტოვებენ
- 6 პრეზიდენტი ცესკოს სტრასბურგში საარჩევნო უბნის გახსნისკენ მოუწოდებს
„საქართველო და მისი ხალხი ძალიან ძვირფასია ჩვენთვის. ჩვენ ერთგული ვართ თავისუფალი და დემოკრატიული საქართველოსი ევროპის გულში. გაყალბებული არჩევნების შემდეგ ჩვენ შეშფოთებულები ვართ მიმდინარე მოვლენებით“, - წერს როთი პლატფორმა X-ზე და საქართველოს პრეზიდენტ სალომე ზურაბიშვილთან გადაღებულ ფოტოს აქვეყნებს.
როთის ინფორმაციით თბილისში ჩამოვლენ გერმანიის, ფინეთის, შვედეთის, საფრანგეთის, ლიეტუვის, ლატვიის, ესტონეთის და პოლონეთის პარლამენტების საგარეო ურთიერთობათა კომიტეტების თავმჯდომარეები.
6 ნოემბერს, ევროპის ქვეყნების პარლამენტების საგარეო ურთიერთობათა კომიტეტების თავმჯდომარეებმა, დეპუტატებმა და ევროპარლამენტარებმა ერთობლივი განცხადება გაავრცელეს, რომელშიც გამოთქვეს ღრმა შეშფოთება, საპარლამენტო არჩევნებში „ინციდენტებისა და სისტემური დარღვევების უპრეცედენტო რაოდენობის“ გამო. მათი შეფასებით, ბრალდებები იმდენად სერიოზულია, რომ მხოლოდ დამოუკიდებელ საერთაშორისო გამოძიებას შეუძლია წინასაარჩევნო პერიოდში და არჩევნების დღეს დაფიქსირებული ყველა დარღვევის შესწავლა და გამოძიება.
