თბილისში, ყაზბეგის გამზირზე მომხდარი ავტოსაგზაო შემთხვევის შედეგად მოტოციკლის მძღოლი, 19 წლის რევი დემეტრაშვილი დაიღუპა. ტელეკომპანიების „მთავარი არხის“ და „ფორმულას“ ინფორმაციით, მძღოლს საპატრულო პოლიციის ეკიპაჟმა გზა გადაუკეტა და ის სწორედ პოლიციის მანქანასთან შეჯახებას ემსხვერპლა. საქმეზე გამოძიება პროკურატურამ დაიწყო.
ახალი ამბები
მკითხველის რჩეული
- 1 სტრასბურგის სასამართლომ გელა მთივლიშვილის საქმის არსებითი განხილვა დაიწყო
- 2 დიდმა ბრიტანეთმა ლევან ვასაძე და ოთარ ფარცხალაძე დაასანქცირა
- 3 გაგლოევმა „ძალოვნებს“ დაავალა 4 ოქტომბრის არჩევნების წინ ე.წ. საზღვარზე სიტუაცია გააკონტროლონ
- 4 სუს-მა ძებნა გამოაცხადა ლილუაშვილის ნათესავსა და ვანში „ოცნების“ დეპუტატზე, ბიჭიკო პაიკიძეზე
- 5 გოცირიძე: ამ მასშტაბის ფულის გათეთრება ვერ ხერხდება ხელისუფლების მფარველობის გარეშე
- 6 „გამოიწვია ქონებრივი ზიანი 570 ლარის ოდენობით“ – პროკურატურამ ელენე ხოშტარიას ბრალი წარუდგინა
ავტოსაგზაო შემთხვევა გამთენიისას მოხდა. გავრცელებული ინფორმაციით, მოტოციკლის მძღოლი, რომელმაც საგზაო მოძრაობის წესი დაარღვია, არ დაემორჩილა პატრულის მოწოდებას და არ გაჩერდა, რის შემდეგაც მას აედევნენ. „მთავარი არხის“ ინფორმაციით, სავარაუდოდ, ხუციშვილის ქუჩიდან გამოსულმა ეკიპაჟმა მოტოციკლის მძღოლს გზა გადაუკეტა.
ტელეკომპანიების მიერ მოპოვებულ ვიდეომასალაში ჩანს საპატრულო პოლიციის მანქანა, რომელიც შუა ნაწილში დაზიანებულია. შინაგან საქმეთა სამინისტროს მომხდართან დაკავშირებით განცხადება არ გაუკეთებია.
პროკურატურა საქმეს სისხლის სამართლის კოდექსის 276-ე მუხლის მე-6 ნაწილით იძიებს, რაც გულისხმობს მძღოლის მიერ ტრანსპორტის მოძრაობის უსაფრთხოების ან ექსპლუატაციის წესის დარღვევას, რამაც ადამიანის სიცოცხლის მოსპობა გამოიწვია.
შსს-მ ადმინისტრაციული წესით დააკავა მოქალაქე, რომელიც ყაზბეგის გამზირზე განვითარებულ მოვლენებს ტელეფონით იღებდა. მას პოლიციელების მიმართ სიტყვიერ შეურაცხყოფას ედავებიან.
