აზერბაიჯანული მედია დიპლომატიურ წყაროებზე დაყრდნობით წერს, რომ „3+3“ ფორმატის ფარგლებში სომხეთის, აზერბაიჯანის, საქართველოს, თურქეთის, რუსეთისა და ირანის საგარეო საქმეთა მინისტრები, 23 ოქტომბერს, თეირანში შეხვედრას გამართავენ.
ახალი ამბები
მკითხველის რჩეული
- 1 „ოცნების“ საარჩევნო ქოლცენტრები რეგიონებში და ზეწოლა ამომრჩევლებზე
- 2 თეთრიწყაროს მოსამართლემ 30 უბნის შედეგები გააუქმა ხმის ფარულობის დარღვევის გამო
- 3 Edison: ეგზიტპოლსა და ცესკოს შედეგებს შორის 13%-იანი სხვაობა მანიპულირებაზე მიუთითებს
- 4 აქციებზე ჟურნალისტებისთვის მუშაობაში უკანონოდ ხელის შეშლის ფაქტებზე გამოძიება დაიწყო
- 5 „გვაქვს 81 ფაქტი და ეს სისტემურობაზე მიუთითებს“ - „ოცნება“ ოპოზიციას ხმების მოპარვაში ადანაშაულებს
- 6 ბჟანიას ქართველი დეპუტატები აფხაზეთში ფარულად ჩამოჰყავდა - არძინბა
„3+3“ ფორმატის შეხვედრა რუსეთისა და აზერბაიჯანის საგარეო საქმეთა მინისტრებმა 20 ოქტომბერს, სატელეფონო საუბრისას განიხილეს. მოსკოვის განცხადებით, მხარეებმა პლატფორმის აქტიურობასთან დაკავშირებით პოზიციები შეაჯერეს და კონტაქტების გაგრძელებაზე შეთანხმდნენ.
საგარეო საქმეთა სამინისტროს განცხადებით, საქართველო თეირანში სხვა რეგიონულ ძალებთან ერთად „3+3“ ფორმატის შეხვედრაში მონაწილეობას არ მიიღებს.
ამ ფორმატში ერთი შეხვედრა ქართული მხარის გარეშე უკვე გაიმართა. 2021 წლის დეკემბერში, მოსკოვში, რეგიონალური საკითხები სომხეთის, აზერბაიჯანის, რუსეთის, თურქეთისა და ირანის საგარეო საქმეთა მინისტრების მოადგილეებმა განიხილეს.
„3+3“ ფორმატის შექმნის ინიციატივა მთიანი ყარაბაღის 2020 წლის კონფლიქტის შემდეგ, თურქეთის პრეზიდენტმა, რეჯეფ თაიფ ერდოღანმა გამოაცხადა. ერდოღანის თქმით, მუდმივი მშვიდობა შესაძლებელია სამხრეთ კავკასიის რეგიონის სახელმწიფოებსა და ხალხს შორის უსაფრთხოებაზე დაფუძნებული ურთიერთთანამშრომლობით.
