მესტიის მუნიციპალიტეტის სოფელ ლატალში მცხოვრები გოგიტა ფარჯიანი და გიორგი გვიჩიანი, რომლებიც ბოლო ხუთი დღის განმავლობაში დაკარგულებად მიიჩნეოდნენ, ცოცხლები არიან. ისინი ლენტეხში იმყოფებიან.
ახალი ამბები
მკითხველის რჩეული
- 1 აქციების დროს თბილისში რუსეთის პოლიციის პროფკავშირების ასოციაციის უფროსი იმყოფებოდა
- 2 უილსონი: თუ ივანიშვილი 29 დეკემბრის გეგმას განახორციელებს, წარმოუდგენელ პასუხს უნდა ელოდეს
- 3 ბალტიის ზღვაში კაბელის დაზიანებაში ეჭვმიტანილი გემის კაპიტანი საქართველოს მოქალაქეა
- 4 რას ამბობს გდდ-ის ყოფილი მაღალჩინოსანი საქართველოდან გამგზავრებამდე მიცემულ ინტერვიუში
- 5 დაძაბულობაა ბოლნისში, სადაც ავტოავარიას ორი არასრულწლოვანი ემსხვერპლა
- 6 მოხელის შეფასება 6 თვეში ერთხელ და ხელფასის 20%-ის დაკავება - რა ცვლილებები მიიღო „ოცნებამ“
„კვალი არ აგვრევია. ძალიან მარტივად, ქედით ვაპირებდით გადმოსვლას, სადაც დაახლოებით 200 მეტრში შეგვხვდა დათვი. ამის მერე წამოვედით ტყით და ვიარეთ ხუთი დღე. ტელეფონი ორივეს დაგვიჯდა. ღამეს კარავში ვათევდით“, - თქვა გოგიტა ფარჯიანმა „მთავარ არხთან“ ინტერვიუში.
ახალგაზრდები ზემო სვანეთიდან ქვემო სვანეთში, ლენტეხის მიმართულებით კვირას, 21 ივლისს წავიდნენ. ისინი ლასილის უღელტეხილზე საფეხმავლო მარშრუტით გადადიოდნენ. როგორც ახლობლები აცხადებდნენ, გოგიტა ფარჯიანი და გიორგი გვიჩიანი კავშირზე ბოლოს ორშაბათს, 22 ივლისს გამოვიდნენ და გაგზავნილ შეტყობინებებში ამბობდნენ, რომ გზა აებნათ.
მესტიისა და ლენტეხის ტერიტორიაზე დაკარგულების ძებნა ორი დღის განმავლობაში მიმდინარეობდა. დღეს სამაშველო ოპერაციაში ვერტმფრენიც ჩაერთო. თუმცა, ახალგაზრდებმა ტყიდან გამოსვლა დამოუკიდებლად მოახერხეს.
