ხარკოვის, დონეცკისა და ხერსონის ოლქების გათავისუფლებულ ტერიტორიებზე, ბოლო ორი თვის განმავლობაში, 700-ზე მეტი მოკლული უკრაინელის ცხედარია ნაპოვნი. ამის შესახებ უკრაინის გენერალურმა პროკურორმა, ანდრი კოსტინმა განაცხადა.
ახალი ამბები
მკითხველის რჩეული
- 1 „ოცნების“ საარჩევნო ქოლცენტრები რეგიონებში და ზეწოლა ამომრჩევლებზე
- 2 თეთრიწყაროს მოსამართლემ 30 უბნის შედეგები გააუქმა ხმის ფარულობის დარღვევის გამო
- 3 Edison: ეგზიტპოლსა და ცესკოს შედეგებს შორის 13%-იანი სხვაობა მანიპულირებაზე მიუთითებს
- 4 „გვაქვს 81 ფაქტი და ეს სისტემურობაზე მიუთითებს“ - „ოცნება“ ოპოზიციას ხმების მოპარვაში ადანაშაულებს
- 5 არჩევნების დროს საქართველოში აშშ-ის მიერ სანქცირებული რუსი პროპაგანდისტი იმყოფებოდა
- 6 კორძაია ომბუდსმენს სთხოვს პასუხს, დაირღვა თუ არა ამომრჩევლის ხმის ფარულობა არჩევნებზე
„დაახლოებით 90% სამოქალაქო პირია. გამოვლენილია ოცზე მეტი ადგილი, სადაც უკრაინის მოქალაქეებს უკანონოდ აკავებდნენ და აწამებდნენ. ყველაზე მეტი ასეთი ადგილი ხარკოვის ოლქშია აღმოჩენილი. ყველას გვახსოვს მასობრივი სამარხები იზიუმში. ხარკოვის ოლქის პრაქტიკულად ყველა ქალაქში, ყველა სოფელში ვპოულობდით ისეთ ადგილებს, სადაც უკრაინის მშვიდობიან მოქალაქეებს კლავდნენ. ასეთივე სიტუაცია გვაქვს ხერსონშიც. აქ ეს სამუშაოები მხოლოდ ახლა იწყება და ყოველდღე ახალ ინფორმაციას ვიღებთ“, - თქვა კოსტინმა.
17 ნოემბერს უკრაინის შინაგან საქმეთა მინისტრმა, დენის მონასტირსკიმ გაავრცელა ინფორმაცია, რომ სამართალდამცველებმა ხერსონის ოლქში, რომელიც მარტიდან იყო ოკუპირებული, 63 ნაწამები ადამიანის ცხედარი უკვე აღმოაჩინეს. მონასტირსკიმ ხაზი გაუსვა, რომ სამძებრო სამუშაოები მხოლოდ ახლა დაიწყო.
ბოლო მონაცემებით, უკრაინაში რუსი სამხედროების მიერ ჩადენილ სავარაუდო დანაშაულებთან დაკავშირებით 45 ათასამდე სისხლის სამართლის საქმეა აღძრული. გენერალური პროკურატურის მონაცემებით, 24 თებერვალს უკრაინაში რუსეთის შეჭრის შემდეგ, 8300-ზე მეტი მშვიდობიანი მოქალაქე დაიღუპა, რომელთაგან 437 ბავშვია. ეს მონაცემები ზუსტი არ არის, რადგან რუსეთის მიერ კონტროლირებად ტერიტორიებზე დანაშაულის აღრიცხვა ვერ ხერხდება.
უკრაინაში მომხდარ სამხედრო დანაშაულებს ჰააგაში მდებარე სისხლის სამართლის საერთაშორისო სასამართლოც იძიებს.
