უკრაინა რუსეთის კურსკის ოლქში 74 დასახლებულ პუნქტს აკონტროლებს. ამის შესახებ შეიარაღებული ძალების მთავარსარდალმა, ოლექსანდრ სირსკიმ პრეზიდენტ ვოლოდიმირ ზელენსკისთან საუბრისას განაცხადა. ზელენსკის თქმით, კურსკის ოლქში აქტიური მოქმედებების ტერიტორიას აფართოებენ.
ახალი ამბები
მკითხველის რჩეული
- 1 „ოცნების“ საარჩევნო ქოლცენტრები რეგიონებში და ზეწოლა ამომრჩევლებზე
- 2 თეთრიწყაროს მოსამართლემ 30 უბნის შედეგები გააუქმა ხმის ფარულობის დარღვევის გამო
- 3 Edison: ეგზიტპოლსა და ცესკოს შედეგებს შორის 13%-იანი სხვაობა მანიპულირებაზე მიუთითებს
- 4 „გვაქვს 81 ფაქტი და ეს სისტემურობაზე მიუთითებს“ - „ოცნება“ ოპოზიციას ხმების მოპარვაში ადანაშაულებს
- 5 არჩევნების დროს საქართველოში აშშ-ის მიერ სანქცირებული რუსი პროპაგანდისტი იმყოფებოდა
- 6 კორძაია ომბუდსმენს სთხოვს პასუხს, დაირღვა თუ არა ამომრჩევლის ხმის ფარულობა არჩევნებზე
„უკრაინის შეიარაღებული ძალების დაჯგუფებები აგრძელებენ კურსკის ოლქის ტერიტორიაზე ოპერაციის წარმოებას. დღევანდელი დღის განმავლობაში ჩვენმა სამხედროებმა ცალკეულ მიმართულებებზე ერთიდან სამ კილომეტრამდე წაიწიეს წინ.
კონტროლი დამყარებულია 40 კვადრატულ კილომეტრზე და დღეისთვის 74 დასახლებული პუნქტია ჩვენი კონტროლის ქვეშ. ბრძოლები ფრონტის მთელ ხაზზე მიმდინარეობს. ვითარება, საბრძოლო ქმედებების მაღალი ინტენსიურობის მიუხედავად, კონტროლის ქვეშაა,“ - განაცხადა სირსკიმ.
პრეზიდენტ ვოლოდიმირ ზელენსკის ინფორმაციით, უკრაინის შეიარაღებულ ძალებს უკვე ასობით რუსი სამხედრო ჩაბარდა ტყვედ. როგორც ზელენსკი ამბობს, ყველა ჰუმანურ მოპყრობას მიიღებს. „ასეთი მოპყრობა მათ საკუთარ, რუსულ ჯარშიც კი არ ჰქონიათ“, - აღნიშნა უკრაინის პრეზიდენტმა.
ამასთან, ზელენსკის განცხადებით, დაკავებულ ტერიტორიებზე „ჰუმანიტარული გადაწყვეტილებების შემუშავება გრძელდება“. მას არ დაუკონკრეტებია რამდენი მშვიდობიანი მოქალაქე დარჩა 74 დასახლებულ პუნქტში.
უკრაინულმა ჯარებმა კურსკის მიმართულებით მოულოდნელი შეტევითი ოპერაცია 6 აგვისტოს დაიწყეს. 12 აგვისტოს, ოლქის გუბერნატორის მოვალეობის შემსრულებელმა ალექსეი სმირნოვმა რუსეთის პრეზიდენტ ვლადიმერ პუტინს მოახსენა, რომ უკრაინის შეიარაღებული ძალები 28 დასახლებულ პუნქტს აკონტროლებდნენ. „ეს დაახლოებით 2 ათასი ადამიანია, რომელთა ბედი არ ვიცით“, - განაცხადა სმირნოვმა. უკრაინის ოპერაციის გამო კურსკის ოლქი სულ მცირე 121 ათასმა მაცხოვრებელმა დატოვა. გუბერნატორის მოვალეობის შემსრულებელის ინფორმაციით, მთლიანობაში ევაკუაციას 180 ათასი ექვემდებარება.
