რუსეთი მზადაა საქართველოსთან დიპლომატიური ურთიერთობების აღდგენის მიმართულებით სვლისკენ და ქართველი პოლიტიკოსების ინიციატივას მიესალმება. ამის შესახებ რუსეთის საგარეო საქმეთა სამინისტროს ოფიციალურმა წარმომადგენელმა, მარია ზახაროვამ განაცხადა.
ახალი ამბები
მკითხველის რჩეული
- 1 მოსამართლემ გორში დაკავებული აქტივისტის საქმეზე ყველა საგამოძიებო მოქმედება უკანონოდ ცნო
- 2 რუსეთმა უკრაინაში მებრძოლ რუსუდან ივანეიშვილს პატიმრობა დაუსწრებლად მიუსაჯა
- 3 მასობრივად წაშალეს „მთის ამბების“ კრიტიკული მასალები ფეისბუკიდან
- 4 გვჭირდება კონკრეტული ნაბიჯები, რომლებიც შეაჩერებს საქართველოს ხელისუფლებას - ვანო ჩხიკვაძე
- 5 7 წლის წინ სიღნაღის პოლიციაში მოქალაქის ცემისთვის ყოფილ პოლიციელს ბრალი წარუდგინეს
- 6 აქტივისტ ზუკა ბერძენიშვილს თავს დაესხნენ პაპუაშვილის ფეისბუკპოსტიდან ერთ საათში
დღევანდელ ბრიფინგზე ზახაროვას ჟურნალისტმა ჰკითხა, როგორ აფასებს რუსეთის საგარეო საქმეთა სამინისტრო რუსეთ-საქართველოს დიპლომატიური ურთიერთობების აღდგენის შესახებ ქართული პარტიის „სოლიდარობა მშვიდობისთვის“ მოწოდებას და მზად არის თუ არა ამისთვის, თუ საქართველო მსგავსი ინიციატივით გამოვა.
„შეგახსენებთ, რომ რუსეთთან ურთიერთობების გაწყვეტის ინიციატორი რუსეთი არ ყოფილა. ეს მოხდა სააკაშვილის რეჟიმის ინიციატივით და მას შემდეგ დიპლომატიური ურთიერთობის აღდგენისთვის სახელდებოდა პირობები, რომლებიც წინააღმდეგობაში მოდის რეგიონში არსებულ რეალობასთან.
ჯერ კიდევ 2012 წელს, საქართველოს ხელისუფლება გამოვიდა ორმხრივი ურთიერთობების ნორმალიზების წინადადებით და რუსეთმა ამას მაშინვე დაუჭირა მხარი. შესაბამისად, ჩვენ კვლავ მიგვაჩნია, რომ ეს პასუხობს საერთო ისტორიით, კულტურით, მჭიდრო ეკონომიკური კავშირებით და უბრალოდ, ადამიანთა ბედის მილიონობით ძაფით დაკავშირებული ჩვენი ერების ინტერესებს. ამიტომ, ჩვენ მხარს ვუჭერთ ნებისმიერ წამოწყებას რომელიც ემსახურება რუსულ-ქართული ურთიერთობის ნორმალიზების მხარდაჭერას. ამ კონტექსტში მივესალმებით თქვენს მიერ ნახსენებ ინიციატივას. ჩვენ მზად ვართ ამ გზით სვლისთვის“, - განაცხადა ზახაროვამ.
15 ივნისს, მამუკა ფიფიამ, რომელიც პარტია „სოლიდარობა მშვიდობისთვის“ საერთაშორისო მდივანია, პარტიის ყრილობიდან რუსეთის პრეზიდენტს, ვლადიმერ პუტინს მიმართა თხოვნით, საქრთველოს მოქალაქეებისთვის სავიზო რეჟიმი სრულად გააუქმოს და მათთვის დასაქმების პირობები გაამარტივოს. ფიფიას თქმით, ეს ხელს შეუწყობს „კეთილმეზობლური და დიპლომატიური ურთიერთობების აღდგენისთვის ხელსაყრელი საფუძვლის შექმნას“.
მანამდე, 11 ივნისს, ტელეკომპანია „მთავარი არხი“ იუწყებოდა, რომ „ქართული ოცნება“ მოსკოვში საელჩოს გასახსნელად ემზადება და თანამშრომლებსაც ეძებს. რუსეთის საგარეო საქმეთა სამინისტროში ამ ინფორმაციას „ფეიკი“ უწოდეს.
საქართველომ რუსეთთან დიპლომატიური ურთიერთობა 2008 წლის ომის და მოსკოვის მიერ დე ფაქტო რესპუბლიკების - სამხრეთ ოსეთისა და აფხაზეთის დამოუკიდებლობის აღიარების შემდეგ გაწყვიტა.
![საქართველოს ამბები](/images/a2.png#joomlaImage://local-images/a2.png?width=80&height=80)