რუსეთ-საქართველოს საზღვარზე, „ზემო ლარსის“ საკონტროლო-გამშვებ პუნქტთან, მდინარე თერგი კალაპოტიდან გადმოვიდა და ფედერალური გზატკეცილი ორ ადგილას დააზიანა. ადიდებულმა მდინარემ ელექტროგადამცემი ბოძებიც მოგლიჯა.
ახალი ამბები
მკითხველის რჩეული
- 1 „ოცნების“ საარჩევნო ქოლცენტრები რეგიონებში და ზეწოლა ამომრჩევლებზე
- 2 თეთრიწყაროს მოსამართლემ 30 უბნის შედეგები გააუქმა ხმის ფარულობის დარღვევის გამო
- 3 Edison: ეგზიტპოლსა და ცესკოს შედეგებს შორის 13%-იანი სხვაობა მანიპულირებაზე მიუთითებს
- 4 „გვაქვს 81 ფაქტი და ეს სისტემურობაზე მიუთითებს“ - „ოცნება“ ოპოზიციას ხმების მოპარვაში ადანაშაულებს
- 5 აქციებზე ჟურნალისტებისთვის მუშაობაში უკანონოდ ხელის შეშლის ფაქტებზე გამოძიება დაიწყო
- 6 ბჟანიას ქართველი დეპუტატები აფხაზეთში ფარულად ჩამოჰყავდა - არძინბა
ადგილობრივი მედიის ინფორმაციით, ძლიერი წვიმებისა და ყინული დნობის გამო, გუშინ წყლის დონემ 130 სანტიმეტრამდე მოიმატა. ჩრდილოეთ ოსეთის ხელმძღვანელმა სერგეი მენიაილომ, რომელიც ადგილზე 30 მაისს იმყოფებოდა, განაცხადა, რომ ვითარება დაძაბული იყო.
„ასეთი მდგომარეობა პირველად არ შექმნილა - ბევრი რამ არის დამოკიდებული თოვლის დნობის აქტივობაზე და იმაზე, თუ რამდენად დიდია ნალექი. წელს წვიმაც და სიცხეც თავის საქმეს აკეთებს: ხედავთ, რამდენად აიწია თერგში წყლის დონემ, როგორი მღელვარე დინებაა.
ამ გზას „როსავტოდორი“ ემსახურება, ერთად ვატარებთ პრევენციულ ღონისძიებებს. ადგილზე ყველა სასწრაფო დახმარება მუშაობს, ვაკვირდებით სიტუაციას“, - აღნიშნა მენიაილომ და დაამატა, რომ ექსპერტების აზრით, ახლომდებარე დასახლებებს საფრთხე არ ემუქრება.
ამ დროისთვის, რუსეთის მხარეს, თერგის გასწვრივ გზაზე მოძრაობა ცალმხრივად ჩაკეტილია. არსებული ინფორმაციით, მომხდარის გამო „ზემო ლარისის“ მუშაობა არ შეფერხებულა.
