გამაფრთხილებელი სროლის შესახებ გაზეთ „ქრონიკა+“-ის მთავარი რედაქტორის, ელისო კილაძის განცხადების შემდეგ, პოლიციაში ახალგაზრდა მამაკაცი გამოცხადდა, რომელიც ამბობს, რომ ყაზბეგის გამზირზე ცხოვრობს და იარაღი წმენდის დროს შემთხვევით გაუვარდა.
ახალი ამბები
მკითხველის რჩეული
- 1 აქციების დროს თბილისში რუსეთის პოლიციის პროფკავშირების ასოციაციის უფროსი იმყოფებოდა
- 2 უილსონი: თუ ივანიშვილი 29 დეკემბრის გეგმას განახორციელებს, წარმოუდგენელ პასუხს უნდა ელოდეს
- 3 ბალტიის ზღვაში კაბელის დაზიანებაში ეჭვმიტანილი გემის კაპიტანი საქართველოს მოქალაქეა
- 4 რას ამბობს გდდ-ის ყოფილი მაღალჩინოსანი საქართველოდან გამგზავრებამდე მიცემულ ინტერვიუში
- 5 დაძაბულობაა ბოლნისში, სადაც ავტოავარიას ორი არასრულწლოვანი ემსხვერპლა
- 6 მოხელის შეფასება 6 თვეში ერთხელ და ხელფასის 20%-ის დაკავება - რა ცვლილებები მიიღო „ოცნებამ“
„მე არ ვარ დამნაშავე, თავს არ ვთვლი დამნაშავედ და ჩემი ფეხით იმიტომ მოვედი. გაწმენდის დროს მოხდა ეგეთი ინციდენტი, რომ გამივარდა, მაგრამ ჩემი ვაზნა არ იყო ქალბატონი ელისოს მეგობრის ფეხებთან დავარდნილი“, - ამბობს მამაკაცი ტელეკომპანია „ფორმულასთან“ ინტერვიუში.
ელისო კილაძეს აღნიშნული ვერსიის არ სჯერა.
ჟურნალისტმა გუშინ, 6 მარტს გაავრცელა ინფორმაცია, რომ მის მიმართ გამაფრთხილებელი გასროლა განახორციელეს. მისი თქმით, დაცვის წევრთან ერთად სილამაზის სალონისკენ მიდიოდა, როდესაც საეჭვო პირი შენიშნა.
„გვერდით ამოგვიდგა, ძალიან ყურადღებით გვაკვირდებოდა ორივეს, მერე გადაჭრა გზა და გადავიდა მეორე მხარეს. მე შევედი სალონში და დაახლოებით 15 წუთში გასროლა მოხდა ჩემი მეგობრის მისამართით, რომელიც გარეთ იდგა და მელოდებოდა.
ვფიქრობ, რომ ეს არის გამაფრთხილებელი გასროლა იმ ჟურნალისტური გამოძიებების მერე, რასაც მე ამ ხნის განმავლობაში ვაკეთებ ნარკორეალიზატორების და ნარკოსქემის გასაშიფრად“, - ამბობდა ელისო კილაძე.
შინაგან საქმეთა სამინისტრომ მომხდარზე გამოძიება სისხლის სამართლის კოდექსის 236-ე მუხლით დაიწყო, რაც ცეცხლსასროლი იარაღის მართლსაწინააღმდეგო შეძენა, შენახვა, ტარებას გულისხმობს.
