გაზეთ „ქრონიკა +“-ის მთავარი რედაქტორის, ჟურნალისტ ელისო კილაძის თქმით, თბილისში, ყაზბეგის გამზირზე მის მიმართ გამაფრთხილებელი გასროლა განახორციელეს. ჟურნალისტი მომხდარს პროფესიულ საქმიანობას და ნარკოტიკების რეალიზატორების მხილებას უკავშირებს.
ახალი ამბები
მკითხველის რჩეული
- 1 აქციების დროს თბილისში რუსეთის პოლიციის პროფკავშირების ასოციაციის უფროსი იმყოფებოდა
- 2 უილსონი: თუ ივანიშვილი 29 დეკემბრის გეგმას განახორციელებს, წარმოუდგენელ პასუხს უნდა ელოდეს
- 3 ბალტიის ზღვაში კაბელის დაზიანებაში ეჭვმიტანილი გემის კაპიტანი საქართველოს მოქალაქეა
- 4 რას ამბობს გდდ-ის ყოფილი მაღალჩინოსანი საქართველოდან გამგზავრებამდე მიცემულ ინტერვიუში
- 5 დაძაბულობაა ბოლნისში, სადაც ავტოავარიას ორი არასრულწლოვანი ემსხვერპლა
- 6 მოხელის შეფასება 6 თვეში ერთხელ და ხელფასის 20%-ის დაკავება - რა ცვლილებები მიიღო „ოცნებამ“
„მანქანიდან გადმოვედით მე და ჩემი მეგობარი, რომელიც მუდმივად ჩემთან ერთად არის. მაშინვე ერთი საეჭვო პირი გვერდით ამოგვიდგა, ძალიან ყურადღებით გვაკვირდებოდა ორივეს, მერე გადაჭრა გზა და გადავიდა მეორე მხარეს. მე შევედი სალონში და დაახლოებით 15 წუთში გასროლა მოხდა ჩემი მეგობრის მისამართით, რომელიც გარეთ იდგა და მელოდებოდა. პირველადი ინფორმაციით, სანადირო თოფიდან გაისროლეს.
რა თქმა უნდა, ვფიქრობ, რომ ეს არის გამაფრთხილებელი გასროლა იმ ჟურნალისტური გამოძიებების მერე, რასაც მე ამ ხნის განმავლობაში ვაკეთებ ნარკორეალიზატორების და ნარკოსქემის გასაშიფრად. ამ ნარკოკარტელს ჯილდოც კი აქვს დაწესებული. Telegram არხებში ღიად წერენ, რომ 1000 დოლარს იხდიან, 5000 დოლარს იხდიან, ბოლოს უკვე 10 000 დოლარს იხდიდნენ, რომ მე ქუჩაში მცემონ და ეს ვიდეო სოციალურ ქსელებში გავრცელდეს. მტკიცებულებები მაქვს, ე.წ. სქრინები შენახული მაქვს“, - აცხადებს ელისო კილაძე.
შინაგან საქმეთა სამინისტრომ მომხდარზე გამოძიება სისხლის სამართლის კოდექსის 236-ე მუხლით დაიწყო, რაც ცეცხლსასროლი იარაღის მართლსაწინააღმდეგო შეძენა, შენახვა, ტარებას გულისხმობს.
მიმდინარე წლის დასაწყისიდან ქვეყნის მასშტაბით ნარკოდანაშაულის ბრალდებით 270-ზე მეტი ადამიანია დაკავებული, საიდანაც სულ მცირე 27 ნარკორეალიზატორია. შინაგან საქმეთა სამინისტრომ 6 მარტს, თბილისსა და რეგიონებში ექვსი, ხოლო 2 მარტს ათი პირის დაკავების შესახებ გაავრცელა ინფორმაცია.
ამ თემაზე:
ნარკოდანაშაულის ბრალდებით აჭარის მთავრობის მაღალჩინოსნის შვილი დააკავეს
