«Խրոնիկա +» թերթի գլխավոր խմբագիր, լրագրող Էլիսո Կիլաձեի խոսքով՝ Թբիլիսիի Կազբեգի պողոտայում իր ուղղությամբ նախազգուշական կրակոց է արձակվել։ Լրագրողը դեպքը կապում է իր մասնագիտական գործունեության և թմրավաճառներին բացահայտելու հետ։
Լրահոս
Ընթերցողի ընտրանի
- 1 ՌԴ արտաքին հետախուզությունը հայտնում է, որ ԱՄՆ-ը «գունավոր հեղափոխություն» է նախապատրաստում Վրաստանում
- 2 «Վրացական երազանքը» դադարել է երազանք լինելուց, այն դարձել է մղձավանջ. նախագահ
- 3 Թբիլիսիում երկաթուղային վթարի հետևանքով զոհվել է «Վրացական երկաթուղու» 2 աշխատակից
- 4 Ես պատրաստ եմ ստանձնել մեծ պատասխանատվություն, ներառյալ երկրորդ ժամկետով. Զուրաբիշվիլի
- 5 «Մենք ուժ կգտնենք մեր մեջ, որպեսզի ներողություն խնդրենք». Իվանիշվիլին՝ 2008 թվականի պատերազմի մասին
- 6 Հոկտեմբերին վրաց ժողովուրդը հնարավորություն կունենա հեռացնել խաբեբաներին․ սենատոր Ռիշ
«Ես ու ընկերս, ով միշտ ինձ հետ է, իջանք մեքենայից։ Անմիջապես մի կասկածելի անձ կանգնեց մեր կողքին, երկուսիս էլ շատ ուշադիր հետևեց, հետո անցավ ճանապարհն ու անցավ մյուս կողմը։ Ես մտա սրահ և մոտ 15 րոպե անց կրակոց արձակվեց ընկերոջս ուղղությամբ, ով դրսում կանգնած սպասում էր ինձ։ Ըստ նախնական տեղեկությունների՝ կրակել են որսորդական հրացանից։
Իհարկե, ես կարծում եմ, որ սա նախազգուշական կրակոց է այն լրագրողական հետաքննություններից հետո, որոնք ես անում եմ այս ընթացքում՝ բացահայտելու թմրավաճառներին և թմրամիջոցների սխեման: Այս նարկոկարտելը նույնիսկ պարգև են սահմանել։ Telegram-ի ալիքներում բացահայտ գրում են, որ վճարում են 1000 դոլար, վճարում են 5000 դոլար, վերջապես 10000 դոլար՝ ինձ փողոցում ծեծելու և այս տեսանյութը սոցիալական ցանցերում տարածելու համար։ Ես ապացույցներ ունեմ, այսպես կոչված սքրինշոթեր ունեմ»,- ասում է Էլիսո Կիլաձեն։
Ներքին գործերի նախարարությունը դեպքի առթիվ հետաքննություն է սկսել քրեական օրենսգրքի 236-րդ հոդվածով, որը վերաբերում է ապօրինի հրազեն գնելուն, պահելուն և կրելուն։
Ընթացիկ տարվա սկզբից ամբողջ երկրում թմրանյութերի հետ կապված հանցագործությունների մեղադրանքով ձերբակալվել է ավելի քան 270 մարդ, որոնցից առնվազն 27-ը թմրավաճառներ են։ Մարտի 6-ին ՆԳՆ-ն հայտնել է Թբիլիսիում և շրջաններում վեց մարդու ձերբակալության մասին, իսկ մարտի 2-ին ձերբակալվել է տասը մարդ։
Այս թեմայով՝