Եվրամիության արտաքին գործերի և անվտանգության քաղաքականության գերագույն ներկայացուցիչ Ժոզեֆ Բորելը Բրյուսելում Եվրամիության արտաքին գործերի խորհրդի նիստից առաջ լրագրողներին ասել է, որ նախարարները կգնահատեն նաև Վրաստանում տիրող իրավիճակը։
Լրահոս
Ընթերցողի ընտրանի
- 1 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
- 2 Մառնեուլիի սակրեբուլոյի փոխնախագահը մի քանի քվեաթերթիկ է լցրել արկղի մեջ, ընտրատեղամասը փակվել է
- 3 ԿԸՀ-ի նախնական արդյունքներով՝ ընտրություններում 53%-ով առաջատարը «Վրացական երազանքն» է
- 4 «Ֆորմուլայի» և «Մթավարիի» էքզիթ փոլերով ընտրություններում հաղթում է ընդդիմությունը, ըստ «Իմեդիի»՝ «Երազանքը»
- 5 Նախագահը չի ճանաչում ընտրությունների արդյունքները. հոկտեմբերի 28-ին Ռուսթավելիում հավաք է նախատեսվում
- 6 Ժամը 17:00-ի դրությամբ ընտրողների մասնակցությունը 50,06 տոկոս է
«Ակնհայտ է, որ Վրաստանի կառավարությունը շեղվում է եվրոպական ճանապարհից, և նախարարները պետք է որոշեն, թե ինչպես վարվեն»,- ասել է Ժոզեֆ Բորելը։
Հարցին, թե ակնկալում է, որ այսօր Վրաստանի հետ կապված որևէ որոշում կկայացվի, Բորելը պատասխանել է, որ այսօր կլինի նախարարների մակարդակով երկրում ստեղծված իրավիճակի առաջին գնահատականը։
Արտաքին հարաբերությունների խորհուրդը կանցկացվի երկու օր՝ Եվրամիության անդամ 27 երկրների արտաքին գործերի նախարարների մասնակցությամբ և այն կղեկավարի Ժոզեֆ Բորելը։
Օրեր առաջ Financial Times-ը հայտնել էր, որ ի պատասխան «օտարերկրյա գործակալների» մասին օրենքի վերաբերյալ կառավարության անհարկի դիրքորոշման՝ ԵՄ մի քանի երկրներ պահանջում են պատժամիջոցներ սահմանել Վրաստանի դեմ, այդ թվում՝ դադարեցնել առանց վիզայի ռեժիմը։ Լրատվականը գրել է, որ Էստոնիան, Նիդերլանդները, Չեխիան և Շվեդիան այն երկրներից են, որոնք կոչ են անում հաջորդ շաբաթ ԵՄ ԱԳ նախարարների հանդիպմանը քննարկել զսպող միջոցներ: Financial Times-ին ծանոթ աղբյուրները հայտնել են, որ Վրաստանի քաղաքացիների համար ԵՄ առանց վիզայի ճանապարհորդության չեղարկումից բացի, քննարկվում են նպատակային պատժամիջոցներ և ԵՄ ֆինանսավորման սառեցում։
