Financial Times-ը գրում է, որ ի պատասխան Ռուսաստանի կողմից ներշնչված «օտարերկրյա գործակալների» օրենքի վերաբերյալ կառավարության անհարկի դիրքորոշման՝ ԵՄ մի քանի երկրներ պահանջում են պատժամիջոցներ սահմանել Վրաստանի դեմ, այդ թվում՝ դադարեցնել առանց վիզայի ռեժիմը։
Լրահոս
Ընթերցողի ընտրանի
- 1 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
- 2 Մառնեուլիի սակրեբուլոյի փոխնախագահը մի քանի քվեաթերթիկ է լցրել արկղի մեջ, ընտրատեղամասը փակվել է
- 3 ԿԸՀ-ի նախնական արդյունքներով՝ ընտրություններում 53%-ով առաջատարը «Վրացական երազանքն» է
- 4 «Ֆորմուլայի» և «Մթավարիի» էքզիթ փոլերով ընտրություններում հաղթում է ընդդիմությունը, ըստ «Իմեդիի»՝ «Երազանքը»
- 5 Նախագահը չի ճանաչում ընտրությունների արդյունքները. հոկտեմբերի 28-ին Ռուսթավելիում հավաք է նախատեսվում
- 6 Ժամը 17:00-ի դրությամբ ընտրողների մասնակցությունը 50,06 տոկոս է
Հոդվածում նշվում է, որ Եվրամիության թեկնածու Վրաստանը, անտեսելով Բրյուսելի նախազգուշացումները և փողոցային բողոքի ակցիաները, ընդունում է վիճահարույց օրենք, որը նման է Ռուսաստանում գործող օրենքին, և որը պարտավորեցնում է գրանցվել օտարերկրյա ֆինանսավորում ստացող լրատվամիջոցներին և իրավապաշտպան խմբերին։
Էստոնիան, Նիդերլանդները, Չեխիան և Շվեդիան այն երկրներից են, որոնք կոչ են անում հաջորդ շաբաթ ԵՄ ԱԳ նախարարների հանդիպմանը քննարկել զսպող միջոցներ: Financial Times-ին ծանոթ աղբյուրները հայտնել են, որ Վրաստանի քաղաքացիների համար ԵՄ առանց վիզայի ճանապարհորդության չեղարկումից բացի, քննարկվում են նպատակային պատժամիջոցներ և ԵՄ ֆինանսավորման սառեցում։
Եվրոպական մայրաքաղաքները քննարկում են «Վրաստանի կառավարության վրա ճնշում գործադրելու տարբեր միջոցներ»,- ասում են պաշտոնյաները:
Financial Times-ը նշում է, որ Վրաստանի իշխող «Վրացական երազանք» կուսակցությունը խոստացել է վերջնական ընդունել օրենքը առաջիկա շաբաթների ընթացքում և երեքշաբթի օրը դատապարտել է միջազգային ճնշումը, այն բանից հետո, երբ ԱՄՆ Կոնգրեսի անդամները կոչ են անում Բայդենի վարչակազմին պատժամիջոցներ կիրառել: «Ամերիկացի մի շարք քաղաքական գործիչներ և պաշտոնյաներ Վրաստանի հետ շանտաժի լեզվով են խոսում»,- մեջբերում է լրատվականը «Վրացական երազանքի» հայտարարությունը։
Ըստ լրատվականի՝ Եվրամիությունը, ամենայն հավանականությամբ, կգործի ավելի դանդաղ, քան Վաշինգտոնը, քանի որ որոշ երկրներ մտավախություն ունեն, որ առանց վիզայի ռեժիմի դադարեցումը կարող է հակառակ արդյունք տալ, քանի որ վերջին շաբաթներին տասնյակ հազարավոր վրացիներ դուրս են եկել փողոցներ ԵՄ դրոշներով՝ բողոքելու օրենքի դեմ։
«Պետք է զգույշ լինել, որպեսզի թիրախ չդառնան սխալ մարդիկ»,- ասել է ԵՄ դիվանագետներից մեկը։
Ինչպես նաև, Financial Times-ը նշում է, որ ԵՄ ցանկացած պատժամիջոց, որոնք պետք է միաձայն համաձայնեցվեն 27 երկրների միջև, կարող են հետագայում հետաձգվել Հունգարիայի կողմից, որն աջակցում է Վրաստանի կառավարությանը:
Վրաստանի խորհրդարանն այսպես կոչված «օտարերկրյա գործակալների» մասին ռուսական օրենքը երրորդ՝ վերջնական ընթերցմամբ ընդունել է մայիսի 14-ի լիագումար նիստում։ Օրինագծին կողմ է քվեարկել 84 պատգամավոր, դեմ՝ 30։ «Վրացական երազանքը» ծրագրում է հաջորդ շաբաթ հաղթահարել նախագահի վետոն։
