Վրաստանի կրթության և գիտության նախարարությունը հայտարարում է, որ Եվգենի Պրիմակովի անվան կենտրոնի ղեկավար Դիմիտրի Լորթքիփանիձեի տարածած տեղեկատվությունը, թե իբր Ռուսաստանի ֆինանսավորմամբ Վրաստանում ռուս-վրացական համալսարան է բացվում, չի համապատասխանում իրականությանը։
Լրահոս
Ընթերցողի ընտրանի
- 1 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
- 2 Նախագահը չի ճանաչում ընտրությունների արդյունքները. հոկտեմբերի 28-ին Ռուսթավելիում հավաք է նախատեսվում
- 3 Գախարիայի կուսակցությունից հայտնել են, որ ԿԸՀ-ում առկա ընտրակեղծիքների ապացույցները վտանգի տակ են
- 4 Եվրահանձնաժողովի գնահատմամբ՝ Վրաստանը չի կատարել անցյալ տարվա հանձնարարականները
- 5 Բայդենի հայտարարությունից պարզ է դառնում, որ այս ընտրությունները չեն կարող լեգիտիմ ճանաչվել․ «Ուժեղ Վրաստան»
- 6 Եվրահանձնաժողովը խորհուրդ չի տալիս սկսել Վրաստանի անդամակցության շուրջ բանակցությունները
Նախարարությունը պարզաբանում է, որ Կրթության որակի զարգացման ազգային կենտրոն ռուս-վրացական ուսումնարան բացելու խնդրանքով դիմում չի ներկայացվել, և Վրաստանում ոչ մի ուսումնարան իրավունք չունի կրթական գործունեություն իրականացնել առանց կենտրոնի թույլտվության։ Թույլտվությունը պարտադիր է ինչպես պետական, այնպես էլ մասնավոր սուբյեկտների համար:
«Ողջ պատասխանատվությամբ հայտարարում ենք, որ Վրաստանի կրթական համակարգում նման ուսումնական հաստատության բացման վերաբերյալ ոչ մի ընթացակարգ չի ընթանում։
Այս առնչությամբ տարածված տեղեկությունը ապատեղեկատվություն է, որը ծառայում է հանրությանը մոլորեցնելուն, կրթական համակարգը և կառավարությանը միտումնավոր վարկաբեկելուն»,- ասված է ԿԳ նախարարության կողմից այսօր տարածած հայտարարության մեջ։
Դիմիտրի Լորթքիփանիձեն ռուսամետ «Վրաստանը և աշխարհը» հրատարակությանը հայտնել է, որ Թբիլիսիում նախատեսվում է բացել վրաց-ռուսական համալսարան, որտեղ ուսումը կֆինանսավորի Ռուսաստանը։ «Այս փուլում մենք հարմար վայր ենք փնտրում այս ուսումնական հաստատության համար»,- ասել է Լորթքիփանիձեն՝ նշելով, որ այս հարցի վերաբերյալ ավելի շատ մանրամասներ հայտնի կդառնան սեպտեմբերի վերջին։
