საქართველოს განათლებისა და მეცნიერების სამინისტრო აცხადებს, რომ სიმართლეს არ შეესაბამება ევგენი პრიმაკოვის სახელობის ცენტრის ხელმძღვანელის დიმიტრი ლორთქიფანიძის მიერ გავრცელებული ინფორმაცია, თითქოს, საქართველოში რუსეთის დაფინანსებით რუსულ-ქართული უნივერსიტეტი იხსნება.
ახალი ამბები
მკითხველის რჩეული
- 1 „რეპრესიები რეორგანიზაციის სახელით“ - თელავის უნივერსიტეტიდან 5 პროფესორი გაათავისუფლეს
- 2 რიჟვაძის საქმეზე საზღვაო ტრანსპორტის სააგენტოს დირექტორი ალექსი ახვლედიანი დააკავეს
- 3 პაპუაშვილი არჩევნებზე წალენჯიხის მერიის განცხადებას „საბოტაჟს“ უწოდებს
- 4 თავდაცვის ყოფილი მინისტრის მოადგილე და ნათესავი დააკავეს 1.3 მლნ-ის გაფლანგვის ბრალდებით
- 5 თეა წულუკიანი ნანუკა ჟორჟოლიანს ცილისწამებისთვის სასამართლოში უჩივის
- 6 ნათესავებმა თბილისში იპოვეს ჩეჩნეთიდან ოჯახში ძალადობას გამოქცეული ქალი და მისი წაყვანა სცადეს
სამინისტრო განმარტავს, რომ რუსულ-ქართული სასწავლებლის გახსნის მოთხოვნით სსიპ „განათლების ხარისხის განვითარების ეროვნულ ცენტრში“ განცხადება არ შესულა, ცენტრის მიერ ავტორიზაციის მინიჭების გარეშე კი საქართველოში არც ერთ სასწავლებელს არ აქვს საგანმანათლებლო საქმიანობის წარმოების უფლება. ავტორიზაციის გავლა სავალდებულოა როგორც საჯარო, ასევე კერძო სუბიექტისთვის.
„სრული პასუხისმგებლობით ვაცხადებთ, რომ მსგავსი სასწავლებლის გახსნასთან დაკავშირებით საქართველოს საგანმანათლებლო სისტემაში არანაირი პროცედურა არ მიმდინარეობს.
გავრცელებული ინფორმაცია აღნიშნულთან დაკავშირებით არის დეზინფორმაცია, რომელიც ემსახურება საზოგადოების შეცდომაში შეყვანას, განათლების სისტემისა და ხელისუფლების მიზანმიმართულ დისკრედიტაციას“, - ნათქვამია განათლებისა და მეცნიერების სამინისტროს მიერ დღეს გავრცელებულ განცხადებაში.
დიმიტრი ლორთქიფანიძემ პრორუსულ გამოცემასთან „საქართველო და მსოფლიო“ განაცხადა, რომ თბილისში ქართულ-რუსული უნივერსიტეტის გახსნა იგეგმება, სადაც სწავლას რუსეთი დააფინანსებს. „ამ ეტაპზე ვეძებთ შესაფერის ადგილს ამ სასწავლო დაწესებულებისთვის“, - განაცხადა ლორთქიფანიძემ და აღნიშნა, რომ ამ საკითხზე სექტემბრის ბოლომდე მეტი დეტალი გახდება ცნობილი.
