Ռուսաստանի կողմից օկուպացված Ցխինվալիի շրջանի դե ֆակտո անվտանգության կոմիտեն հայտնել է, որ Վրաստանի քաղաքացի, Աձվի գյուղի բնակիչ Խվիչա Կորինթելին ազատ է արձակվել։

Լրահոս

Ընթերցողի ընտրանի

Դե ֆակտո կոմիտեի տվյալներով՝ 52-ամյա Խվիչա Կորինթելին նոյեմբերի 24-ին ձերբակալվել է «սահմանն ապօրինի հատելու համար»։ Իրենց պնդմամբ՝ Կորինթելին ալկոհոլի ազդեցության տակ միտումնավոր հատել է «պետական ​​սահմանը»։

«Կորինթելին լիովին ընդունել է իր մեղքը և զղջացել իր կատարածի համար։ Հաշվի առնելով կալանավորի առողջական վիճակը և մարդկային նկատառումները՝ դեկտեմբերի 5-ին նա վտարվել է Հանրապետությունից»,- նշում են դե ֆակտո կոմիտեից։

Վրաստանի 6 քաղաքացիներ շարունակում են մնալ օկուպացիոն ռեժիմի անօրինական կալանքի տակ։ Նրանց թվում են Դիմիտրի Կորինթելին և Գիորգի Մելաձեն, ովքեր Խվիչա Կորինթելիի հետ միասին նոյեմբերի 24-ին առևանգվել էին Գորիի մունիցիպալիտետի Աձվի գյուղից։ Օկուպացիոն ուժերի ներկայացուցիչները նրանց առևանգել են գյուղի եկեղեցուց, որը գտնվում է օկուպացիոն գծի մյուս կողմում։

Լաշա Խեթերելին, Պետրե Կալաշնիկովը, Գիորգի Դարչիաշվիլին և Գիորգի Մոսիաշվիլին շարունակում են մնալ Ցխինվալիի բանտում։

Լիախվիի հովտից տեղահանված Լաշա Խեթերելին արդեն ութերորդ անգամ է ձերբակալվել օկուպացիոն ռեժիմի կողմից։ Վերջին անգամ նա հուլիսի 5-ին է ձերբակալվել օկուպացված Դիսևի գյուղի մոտ։ Մինչ այդ Խեթերելին ավելի քան մեկ տարի անօրինական կալանքի տակ է եղել Ցխինվալիի բանտում։ Նա հարազատներ ունի օկուպացված տարածքում։ 2008 թվականի պատերազմից հետո նա ապրում է Շաումիանիի տեղահանվածների ավանում։

2023 թվականի հոկտեմբերի 31-ին ռուս զինվորները Սինագուրի գյուղի շրջակայքից առևանգել են Պերևի գյուղի բնակիչ Գիորգի Մոսիաշվիլիին։

Մյուս երկու ձերբակալվածների մասին մանրամասն տեղեկություններ չեն հրապարակվում։

Վրաստանի լուրեր
Վրաստանի լուրեր
Անկախ, հասարակական-քաղաքական առցանց հրատարակություն: Կայքը ղեկավարում է Տեղեկատվական ռեսուրսների ցանցը (IRN):