რუსეთის მიერ ოკუპირებული ცხინვალის რეგიონის დე ფაქტო უშიშროების კომიტეტი ავრცელებს ინფორმაციას, რომ გაათავისუფლეს საქართველოს მოქალაქე, სოფელ აძვის მცხოვრები ხვიჩა კორინთელი.
ახალი ამბები
მკითხველის რჩეული
- 1 „ცოლად შერთვის მიზნით გაიტაცა და სექსუალურად იძალადა“ - კახეთის პოლიციამ 5 პირი დააკავა
- 2 სამტრედიაში ნიკა მელიას თავს დაესხნენ
- 3 კობახიძემ დააკონკრეტა რომელი ოპოზიციური პარტიების აკრძალვას გეგმავს „ქართული ოცნება“
- 4 შოვის სტიქიაზე ახალი კვლევის გამოქვეყნების შემდეგ ლაშა სუხიშვილი გამოკითხვაზე დაიბარეს
- 5 გაეროში რუსეთის წარმომადგენელმა აგვისტოს ომზე „ქართული ოცნების“ განცხადება გაიმეორა
- 6 მწვერვალ შხელდაზე დაღუპული მთამსვლელის, არჩილ ბადრიაშვილის ცხედარი იპოვეს
დე ფაქტო კომიტეტის ცნობით, 52 წლის ხვიჩა კორინთელი 24 ნოემბერს „საზღვრის უკანონოდ გადაკვეთის“ გამო დააკავეს. მათივე მტკიცებით, ალკოჰოლური თრობის ქვეშ მყოფმა კორინთელმა „სახელმწიფო საზღვარი“ განზრახ გადაკვეთა.
„კორინთელმა სრულად აღიარა ბრალი და მოინანია ჩადენილი. დაკავებულის ჯანმრთელობის მდგომარეობის გათვალისწინებით და ჰუმანური შეხედულებებიდან გამომდინარე, იგი 5 დეკემბერს რესპუბლიკიდან გაძევებული იქნა“, - აცხადებს დე ფაქტო კომიტეტი.
საოკუპაციო რეჟიმის უკანონო პატიმრობაში რჩება საქართველოს 6 მოქალაქე. მათ შორის არიან 24 ნოემბერს გორის მუნიციპალიტეტის სოფელ აძვიდან ხვიჩა კორინთელთან ერთად გატაცებული დიმიტრი კორინთელი და გიორგი მელაძე. საოკუპაციო ძალების წარმომადგენლებმა ისინი სოფლის ეკლესიიდან გაიტაცეს, რომელიც საოკუპაციო ხაზს მიღმაა მოქცეული.
ცხინვალის ციხეში რჩებიან ასევე ლაშა ხეთერელი, პეტრე კალაშნიკოვი, გიორგი დარჩიაშვილი და გიორგი მოსიაშვილი.
ლიახვის ხეობიდან დევნილი ლაშა ხეთერელი საოკუპაციო რეჟიმს უკვე მერვედ ჰყავს დაკავებული. ბოლოს ის 5 ივლისს ოკუპირებულ სოფელ დისევთან დააკავეს. მანამდე ხეთერელს ცხინვალის ციხეში უკანონო პატიმრობაში წელიწადზე მეტი აქვს გატარებული. მას ნათესავები ოკუპირებულ ტერიტორიაზე ჰყავს. თვითონ 2008 წლის ომის შემდეგ შაუმიანის დევნილთა დასახლებაში ცხოვრობს.
სოფელ პერევის მცხოვრები გიორგი მოსიაშვილი რუსმა სამხედროებმა 2023 წლის 31 ოქტომბერს სოფელ სინაგურის მიმდებარე ტერიტორიიდან გაიტაცეს.
დანარჩენი ორი დაკავებულის შესახებ დეტალური ინფორმაცია გასაჯაროებული არ არის.
![საქართველოს ამბები](/images/a2.png#joomlaImage://local-images/a2.png?width=80&height=80)