«Այս պահին առկա է դրական դինամիկա, որն արտահայտվում է քաշի ավելացմամբ։ Սակայն պացիենտի վիճակը դեռ թույլ չի տալիս հիմնավոր դրական կանխատեսումներ անել»,- ըստ Հանրային պաշտպանի ստեղծած բժիշկների խմբի գնահատականի՝ Միխեիլ Սաակաշվիլին դեռևս կարիք ունի խիստ բժշկական հսկողության և հոգեբանական միջամտության։
Լրահոս
Ընթերցողի ընտրանի
- 1 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
- 2 Նախագահը չի ճանաչում ընտրությունների արդյունքները. հոկտեմբերի 28-ին Ռուսթավելիում հավաք է նախատեսվում
- 3 Գախարիայի կուսակցությունից հայտնել են, որ ԿԸՀ-ում առկա ընտրակեղծիքների ապացույցները վտանգի տակ են
- 4 Եվրահանձնաժողովի գնահատմամբ՝ Վրաստանը չի կատարել անցյալ տարվա հանձնարարականները
- 5 Բայդենի հայտարարությունից պարզ է դառնում, որ այս ընտրությունները չեն կարող լեգիտիմ ճանաչվել․ «Ուժեղ Վրաստան»
- 6 Եվրահանձնաժողովը խորհուրդ չի տալիս սկսել Վրաստանի անդամակցության շուրջ բանակցությունները
Հունվարի 25-ին «Վիվամեդ» կլինիկայում բժիշկները գնահատել են Միխեիլ Սաակաշվիլիի առողջական վիճակը։
«Պացիենտը հիմնականում պառկում է, իրեն թույլ է զգում, հարցերին միապաղաղ է պատասխանում։ Ճանաչողական ֆունկցիաների, տագնապային խանգարման, դեպրեսիայի գնահատման արդյունքը վկայում է ծանր անհանգստության, ծանր դեպրեսիայի մասին։ Մկանային հիպոտրոֆիան և նևրոպաթիան դեռևս մնում են»,- ըստ խորհրդի, ներկայիս դրական դինամիկան պայմանավորված է նրանով, որ պացիենտը մեկուկես տարուց ավելի գտնվում է բազմամասնագիտական կլինիկայում` բարձր պրոֆեսիոնալիզմով բժիշկների հսկողության և բուժման ներքո, չնայած բոլոր հոգենևրոլոգիական պաթոլոգիաները դեռ նույն որակի են։
Հաշվի առնելով հանրային պաշտպանի մանդատը, փորձագետների խումբը միայն վերահսկում է պացիենտին մատուցվող բժշկական ծառայությունները։ Խումբը ներգրավված չէ պացիենտի անմիջական բուժման գործընթացում:
Միխեիլ Սաակաշվիլին առողջական վիճակի վատթարացման պատճառով 2022 թվականի մայիսի 12-ից գտնվում է Հատուկ քրեակատարողական ծառայության կապալառու «Վիվամեդ» կլինիկայում։ Վրաստանի երրորդ նախագահը ձերբակալվել է 2021 թվականի հոկտեմբերի 1-ին։ Նա 6 տարվա ազատազրկման է դատապարտվել պատգամավոր Վալերի Գելաշվիլիին ծեծի ենթարկելու և Սանդրո Գիրգվլիանիի սպանության գործով դատապարտվածներին ներում շնորհելու համար։ Սաակաշվիլին մեղադրվում է նաև սահմանն ապօրինի հատելու, «Իմեդի» հեռուստաընկերություն ներխուժելու, նոյեմբերի 7-ի բողոքի ցույցը ցրելու, Պատարկացիշվիլիի ունեցվածքին ապօրինի տիրանալու և պետական պաշտպանության հատուկ ծառայությանը պատկանող 9 024 367 լարիի յուրացման մեջ՝ այսպես կոչված «բաճկոնների» գործով։ Երրորդ նախագահն իրեն մեղավոր չի ճանաչում և ասում է, որ իր նկատմամբ քաղաքական հետապնդում է իրականացվում:
