Զուրաբ Ազարաշվիլին առողջապահության նախարարի պաշտոնում իր աշխատանքի 2 տարին ամփոփող հայտարարության մեջ նշում է, որ Վրաստանում «մեծ մարտահրավեր» է բարեխղճորեն ուռուցքաբանական դեղամիջոցներ նշանակելը, և առնվազն 60 ուռուցքաբան է ներգրավված երկիր կասկածելի դեղամիջոցներ ներկրելու մեջ։
Լրահոս
Ընթերցողի ընտրանի
- 1 Գուդաուրիի հնդկական ռեստորաններից մեկում հայտնաբերվել է 12 մարդու դի
- 2 Կոբախիձեի խոսքով՝ պետական ծառայողները և ուսուցիչները ընթերցանության ընկալման խնդիր ունեն
- 3 Եվրախորհրդարանը պահանջում է պատժամիջոցների ենթարկել «Երազանքի» առաջնորդներին և նոր ընտրություններ անցկացնել Վրաստանում
- 4 Նախագահի թեկնածու Միխեիլ Կավելաշվիլին բարձրագույն կրթություն չունի
- 5 Ցույցերի ժամանակ Թբիլիսիում է գտնվել Ռուսաստանի ոստիկանական արհմիությունների ասոցիացիայի ղեկավարը
- 6 Թող գա Իվանիշվիլին... նոր ընտրությունների օրը պետք է համաձայնեցվի մինչև դեկտեմբերի 29-ը. նախագահի կոչը
«Ուռուցքաբանության ուղղությամբ զգալի բարելավվել է ինչպես բժշկական ծառայությունների ծածկույթը, այնպես էլ դեղորայքի գնումը՝ ուղղակիորեն արտադրողների հետ պայմանագրեր կնքելով, ինչը միջինը 50 տոկոսով նվազեցրեց թանկ դեղերի գինը և հնարավորություն ստեղծեց ձեռք բերել կրկնակի քանակությամբ։ Սակայն, մեծ մարտահրավեր է մնում ճիշտ ուռուցքաբանական ախտորոշման և ուղեցույցների համաձայն դեղերի բարեխիղճ նշանակման հարցը։ Ինչպես նաև՝
բացահայտվել են փաստեր, երբ կասկածելի երկրից ներկրվում էր կասկածելի ծագման հազարավոր չգրանցված ուռուցքաբանական դեղամիջոցներ։ Ցավոք, ենթադրվում է, որ այս սխեմայում ներգրավված է առնվազն 60 ուռուցքաբան, և նրանց կողմից սահմանված «Ֆորմա 100»-ի հիման վրա միլիոնավոր լարիի ֆինանսավորման պահանջներ են ստացվել ինչպես նախարարությունում, այնպես էլ մունիցիպալիտետներում, իսկ ուռուցքային հիվանդություններ ունեցող պացիենտների համար նշանակել և օգտագործվել է անհայտ ծագման դեղամիջոցներ։
Այս հարցի համապատասխան միջանկյալ քննարկումն արդեն տեղի է ունեցել մասնագիտական խորհրդում, և գործի նյութերն ուղարկվել են իրավապահ մարմիններին։ Այս և այլ հիմնավոր պատճառներով է, որ հնարավոր չէ պացիենտի ուռուցքաբանության համար սահմանված սահմանաչափը չեղարկել, և ուռուցքաբանության վաղ ախտորոշումը որպես փորձնական սկսվում է միայն պետական կլինիկաներում»,- գրել է նախկին նախարարը սոցիալական ցանցում հրապարակված հայտարարության մեջ։
Զուրաբ Ազարաշվիլին մարտի 1-ին վարչապետ Իրակլի Կոբախիձեի հետ հանդիպումից հետո հրաժարական է տվել Վրաստանի օկուպացված տարածքներից տեղահանվածների, աշխատանքի, առողջապահության և սոցիալական պաշտպանության նախարարի պաշտոնից։ Ինչպես պարզաբանել է Կոբախիձեն՝ առողջապահության նախարարի փոփոխությունը ներառված չի եղել իր ծրագրում, բայց նա գործընթացում թերություններ է տեսել.
«Ես խնդիրներ տեսա կառավարման, հաղորդակցության առումով։ Այս առնչությամբ բժշկական հանրության շրջանում դժգոհություն կար։ Ես ինքս Հանրապետական հիվանդանոցի օրինակով համոզվեցի, որ նման խնդիրներ իսկապես կան։ Հենց այս ոլորտում բազմաթիվ խնդրանքներ են եղել, օրինակ, վարչապետի հետ հանդիպման կոնկրետ ներկայացուցիչների, մասնագետների, հիվանդների վերաբերյալ։ Նման հարցերով պետք է զբաղվեն նախարարության մակարդակով»։
Զուրաբ Ազարաշվիլին նախկին վարչապետ Իրակլի Ղարիբաշվիլիի կադրն էր։ Այսօր հրապարակված հայտարարության մեջ նա շնորհակալություն է հայտնում Ղարիբաշվիլիին 4 տարի առաջ ցուցաբերած վստահության և 20 տարի բանկային գործունեությունից հետո ՊՆ-ում, ապա առողջապահության նախարարությունում աշխատելու հնարավորություն տալու համար։
