Վրաստանի օկուպացված տարածքներից տեղահանվածների, աշխատանքի, առողջապահության և սոցիալական պաշտպանության նախարար Զուրաբ Ազարաշվիլին հրաժարական է ներկայացրել։
Լրահոս
Ընթերցողի ընտրանի
- 1 Վրաստանը ձևավորվում է որպես կիսակոնսոլիդացված ավտորիտար ռեժիմ. Freedom House
- 2 ՄԱԿ-ը Վրաստանին կոչ է անում հետ կանչել ռուսական օրենքը
- 3 Կարող եք սպասել [մեր արձագանքին]. Պետդեպարտամենտը՝ ռուսական օրենքի մասին
- 4 «Վրաստանը Ջորջիան չէ». ինչ են ասում Մոսկվայից Թբիլիսիում շարունակվող բողոքի ակցիաների մասին
- 5 Ռուսական օրենքի ընդունումից հետո ԵՄ-ին անդամակցելու բանակցություններ չեն լինի. Ֆոն Կրամոն
- 6 Այս օրենքը ոչ եվրոպական է, ոչ էլ ամերիկյան. Եվրամիության դեսպանը՝ ռուսական օրենքի մասին
Կառավարության վարչակազմի տվյալներով՝ վարչապետ Իրակլի Կոբախիձեն զրույց է ունեցել Զուրաբ Ազարաշվիլիի հետ, որից հետո վերջինս հրաժարական է տվել։
Զուրաբ Ազարաշվիլիի հրաժարականին նախորդել է Հանրապետական հիվանդանոցի վերաբերյալ որոշումը։ Բժիշկների հետ հանդիպումից հետո Իրակլի Կոբախիձեն ասել է, որ Հանրապետական հիվանդանոցը չի ապամոնտաժվի, քանի դեռ նոր շենքը չի կառուցվել, իսկ վերակազմակերպման գործընթացը կդադարեցվի։
Կոբախիձեն առողջապահության նոր նախարարին կներկայացնի առաջիկա օրերին։
Զուրաբ Ազարաշվիլին նախարարի պաշտոնում նշանակվել է 2021 թվականի դեկտեմբերին այն ժամանակվա վարչապետ Իրակլի Ղարիբաշվիլիի կողմից։ Մինչ այդ՝ մի քանի ամիս, նա պաշտպանության փոխնախարարն էր։ 2020 թվականից Զուրաբ Ազարաշվիլին սկզբում աշխատել է որպես «Թբիլավիամշենի» պետական ընկերության գլխավոր տնօրեն, ապա՝ ՊՆ «Դելտա» պետական ռազմական գիտատեխնիկական կենտրոնի գլխավոր տնօրեն։