საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრი ზურაბ აზარაშვილი გადადგა.
ახალი ამბები
მკითხველის რჩეული
- 1 14 წლის აითაჯ შახმაროვას მკვლელობაში ბრალდებულ ე.წ. ქმარს უვადო პატიმრობა მიუსაჯეს
- 2 კაშია: მსურს მადლობა გადავუხადო ბიძინა ივანიშვილს ჩვენი შრომის დაფასებისთვის
- 3 პროკურატურამ ჟურნალისტი გელა მთივლიშვილი მისი დაკავების საქმეზე დაზარალებულად ცნო
- 4 აშშ-საქართველოს სამხედრო სწავლება „ღირსეული პარტნიორი“ გაურკვეველი ვადით გადაიდო
- 5 ჭიდაობაში მსოფლიო ჩემპიონი ნუგზარ წურწუმია გარდაცვლილი იპოვეს
- 6 1,4 მლნ ადამიანია დღეს დასაქმებული, ისტორიული რეკორდია 90-იანი წლების შემდეგ - პრემიერი
მთავრობის ადმინისტრაციის განცხადებით, პრემიერ-მინისტრი ირაკლი კობახიძე ესაუბრა ზურაბ აზარაშვილს, რის შემდეგაც, მან თანამდებობა დატოვა.
ზურაბ აზარაშვილის გადადგომას წინ უძღოდა რესპუბლიკური საავადმყოფოს საკითხზე მიღებული გადაწყვეტილება. ექიმებთან შეხვედრის შემდეგ, ირაკლი კობახიძემ განაცხადა, რომ ახალი შენობის აშენებამდე რესპუბლიკური საავადმყოფოს დემონტაჟი არ მოხდება და რეორგანიზაციის პროცესიც გაჩერდება.
კობახიძე ჯანდაცვის ახალ მინისტრს უახლოეს დღეებში წარადგენს.
პრემიერ-მინისტრის თანამდებობიდან ირაკლი ღარიბაშვილის გადადგომის შემდეგ მედიაში ოთხი მინისტრის, მათ შორის, ზურაბ აზარაშვილის შესაძლო შეცვლის შესახებ ვრცელდებოდა ინფორმაცია, რასაც მმართველ პარტიაში უარყოფდნენ. პრემიერად წარდგენის შემდეგ, ირაკლი კობახიძემ განაცხადა, რომ თანამდებობაზე დარჩენა მთავრობის თითოეულ წევრს შესთავაზა და უარი მხოლოდ თავდაცვის მინისტრისგან მიიღო.
ზურაბ აზარაშვილი მინისტრის თანამდებობაზე 2021 წლის დეკემბერში, მაშინდელმა პრემიერ-მინისტრმა, ირაკლი ღარიბაშვილმა დანიშნა. მანამდე, რამდენიმე თვის განმავლობაში, ის თავდაცვის მინისტრის მოადგილე იყო. 2020 წლიდან ზურაბ აზარაშვილი ჯერ სახელმწიფო კომპანია „თბილავიამშენის“ გენერალური დირექტორად მუშაობდა, ხოლო შემდეგ თავდაცვის სამინისტროს სსიპ სახელმწიფო სამხედრო სამეცნიერო-ტექნიკური ცენტრი „დელტას“ გენერალურ დირექტორი გახდა.
![საქართველოს ამბები](/images/a2.png#joomlaImage://local-images/a2.png?width=80&height=80)