Առողջապահության նախարարությունում ուռուցքային հիվանդություն ունեցող պացիենտների և պացիենտների կազմակերպությունների ներկայացուցիչների մասնակցությամբ տեղի է ունեցել աշխատանքային խորհրդակցություն։ Նախարարության տեղեկության համաձայն՝ նախարար Միխեիլ Սարջվելաձեն նրանց է ներկայացրել տարբեր բուժման համար անհրաժեշտ դեղերի տրամադրման կանոնների նոր նախագիծ, ըստ որի՝ դեղերը հասանելի կլինեն հենց բուժհաստատություններում։
Լրահոս
Ընթերցողի ընտրանի
- 1 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
- 2 Նախագահը չի ճանաչում ընտրությունների արդյունքները. հոկտեմբերի 28-ին Ռուսթավելիում հավաք է նախատեսվում
- 3 Գախարիայի կուսակցությունից հայտնել են, որ ԿԸՀ-ում առկա ընտրակեղծիքների ապացույցները վտանգի տակ են
- 4 Եվրահանձնաժողովի գնահատմամբ՝ Վրաստանը չի կատարել անցյալ տարվա հանձնարարականները
- 5 Բայդենի հայտարարությունից պարզ է դառնում, որ այս ընտրությունները չեն կարող լեգիտիմ ճանաչվել․ «Ուժեղ Վրաստան»
- 6 Եվրահանձնաժողովը խորհուրդ չի տալիս սկսել Վրաստանի անդամակցության շուրջ բանակցությունները
«Շահառուներն այլևս ստիպված չեն լինի դեղատնային ցանցերից դեղորայք ստանալ և տանել կլինիկա, բոլոր պացիենտները, ովքեր կգան այդ պրոցեդուրայի համար, դեղ կստանան հաստատությունում»,- ասել է Միխեիլ Սարջվելաձեն՝ նշելով, որ փոփոխության նպատակն է ուռուցքային հիվանդությունների բուժումը երկրում ավելի հասանելի դարձնել։
Գվանցա Ափխաիձեն, ով «Միություն հանուն կյանքի» կազմակերպության հիմնադիրն է և ամիսներ շարունակ պահանջում է քաղցկեղով հիվանդների համար հասանելի բուժում ապահովել, ասում է, որ իրենց հանդիպմանը չեն հրավիրել։ Նա դրական է գնահատում դեղերի տրամադրման եղանակի փոփոխությունը, սակայն ասում է, որ փոփոխությունները, որոնք հնարավոր է իրականացնել մեկ շաբաթում, չպետք է ամիսներ տևեն։
«Առողջապահության նախարարության հրաման է արձակվել, որ հունվարից լիարժեք բուժումը հասանելի կլինի բոլորի համար։ Ցավալի է, որ հուլիս ամսին առողջապահության նախարարության միակ փոփոխությունն այն է, որ պացիենտները դեղորայք կստանան կլինիկաներում։
Իհարկե, սա դրական քայլ է, բայց Թուրքիա մեկնող պացիենտներն ինչպե՞ս են ստանալու այդ դեղերը»,- ասել է Գվանցա Ափխաիձեն։
Քաղցկեղով հիվանդների խոսքով՝ իրենց առջև ծառացած հիմնական խնդիրը կյանքի համար անհրաժեշտ դեղամիջոցների դեֆիցիտն է։ Բացի այդ, պետությունը չի ֆինանսավորում նախնական ուսումնասիրությունները և ախտորոշումը, բուժման հետևանքով առաջացած կողմնակի ազդեցությունների կառավարումը, ռեմիսիայի մեջ գտնվող հիվանդների մոնիտորինգը և պլանային հետազոտությունները:
