Վրաստանի արտաքին գործերի նախարարությունը հերքում է «Մթավարի արխի» հեռուստաընկերության տարածած տեղեկությունը, թե Ամերիկայի Միացյալ Նահանգներում Վրաստանի դեսպան Դավիթ Զալկալիանին հրաժարական է ներկայացրել։
Լրահոս
Ընթերցողի ընտրանի
- 1 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
- 2 Մառնեուլիի սակրեբուլոյի փոխնախագահը մի քանի քվեաթերթիկ է լցրել արկղի մեջ, ընտրատեղամասը փակվել է
- 3 ԿԸՀ-ի նախնական արդյունքներով՝ ընտրություններում 53%-ով առաջատարը «Վրացական երազանքն» է
- 4 «Ֆորմուլայի» և «Մթավարիի» էքզիթ փոլերով ընտրություններում հաղթում է ընդդիմությունը, ըստ «Իմեդիի»՝ «Երազանքը»
- 5 Նախագահը չի ճանաչում ընտրությունների արդյունքները. հոկտեմբերի 28-ին Ռուսթավելիում հավաք է նախատեսվում
- 6 Ժամը 17:00-ի դրությամբ ընտրողների մասնակցությունը 50,06 տոկոս է
«Ամերիկայի Միացյալ Նահանգներում Վրաստանի արտակարգ և լիազոր դեսպան Դավիթ Զալկալիանիի հրաժարականի մասին մամուլում տարածված տեղեկատվությունը չի համապատասխանում իրականությանը», - նշել են ԱԳՆ-ից։
Ըստ «Մթավարի արխիի»՝ Նյու Յորքում գտնվող Իրակլի Կոբախիձեի և Դավիթ Զալկալիանիի միջև կոնֆլիկտ է տեղի ունեցել, որից հետո դեսպանը որոշել է հրաժարական տալ։ Հեռուստաընկերության տեղեկություններով՝ կոնֆլիկտի պատճառը Կոբախիձեի հետ հանդիպումների չեղարկումն է։
Վրաստանի վարչապետն այսօր պետք է մասնակցեր ԱՄՆ նախագահ Ջո Բայդենի և նրա կնոջ՝ Ջիլ Բայդենի անունից Նյու Յորքում կայանալիք պաշտոնական ընդունելությանը՝ ի պատիվ Գլխավոր ասամբլեայի 79-րդ նստաշրջանին մասնակցող պատվիրակությունների ղեկավարների։ Սակայն, Բայդենի վարչակազմը չեղարկել է Իրակլի Կոբախիձեի հրավերը։
Բացի այդ, ինչպես հաղորդում է «Ամերիկայի Ձայնը», վարչակազմը հրաժարվել է վրացական պատվիրակության հետ բոլոր հանդիպումներից, այդ թվում՝ Սպիտակ տան ազգային անվտանգության հարցերով խորհրդական Ջեյք Սալիվանը նույնպես չի հանդիպի վարչապետ Կոբախիձեի հետ։
«Ամերիկայի Ձայնի» փոխանցմամբ՝ այս որոշումների պատճառը Վրաստանի կառավարության հակաժողովրդավարական վարքագիծն է և մի շարք քայլերը, այդ թվում՝ այսպես կոչված օտարերկրյա գործակալների մասին օրենքի ընդունումը, Հակակոռուպցիոն բյուրոյի քայլը ոչ կառավարական կազմակերպությունների՝ «Թրանսփարենսի Ինթերնեշնլ-Վրաստանի» և «Ընտրիր Եվրոպայի» դեմ, ինչպես նաև իշխող ուժի հայտարարությունները ընդդիմադիր կուսակցությունների արգելման մասին։
