Վրաստանի չորրորդ նախագահ Գիորգի Մարգվելաշվիլին ավելի քան 140 նախկին բարձրաստիճան պաշտոնյաների դիմումներ է տարածել՝ կալանքի տակ գտնվող Վրաստանի երրորդ նախագահի վերաբերյալ։ Հայտարարության մեջ ստորագրողները հենվում են Հանրային պաշտպանի խորհրդի եզրակացության վրա և պահանջում՝ Միխեիլ Սաակաշվիլիին բուժման նպատակով տեղափոխել արտասահման։ Նրանք կարծում են, որ Սաակաշվիլիին ներկա վիճակում թողնելը նրան «տանջամահ անելու» գործողություն է։
Լրահոս
Ընթերցողի ընտրանի
- 1 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
- 2 Գախարիայի կուսակցությունից հայտնել են, որ ԿԸՀ-ում առկա ընտրակեղծիքների ապացույցները վտանգի տակ են
- 3 Եվրահանձնաժողովի գնահատմամբ՝ Վրաստանը չի կատարել անցյալ տարվա հանձնարարականները
- 4 Բայդենի հայտարարությունից պարզ է դառնում, որ այս ընտրությունները չեն կարող լեգիտիմ ճանաչվել․ «Ուժեղ Վրաստան»
- 5 Եվրահանձնաժողովը խորհուրդ չի տալիս սկսել Վրաստանի անդամակցության շուրջ բանակցությունները
- 6 Ընտրություններին եկած 2 076 791 ընտրողների բազան պետք է փոխանցվի չեզոք հարթակի․ Գախարիա
Մարգվելաշվիլիի հետ հայտարարությունը ստորագրել են խորհրդարանի նախկին նախագահները, նախկին նախարարները։ Պահանջին են միացել՝ «Վրացական երազանքի» իշխանության օրոք խորհրդարանի նախկին նախագահ Դավիթ Ուսուփաշվիլին, պաշտպանության նախկին նախարար Թինա Խիդաշելին, Անվտանգության խորհրդի նախկին քարտուղար Դավիթ Ռաքվիաշվիլին, նախկին հանրային պաշտպան Ուչա Նանուաշվիլին, Հանրապետական կուսակցության հիմնադիր Լևան Բերձենիշվիլին, Խորհրդարանի մարդու իրավունքների և իրավական հարցերի հանձնաժողովների նախկին նախագահ Էկա Բեսելիան և այլք։
«Ե՛վ Վրաստանի հանրային պաշտպանի կողմից ստեղծված կոնսիլիումի, և՛ ամերիկյան բժշկական փորձագետների անկախ խմբի գնահատականները անվրեպ հաստատում են, որ նախագահ Միխեիլ Սաակաշվիլիի կյանքը Վրաստանում չի պահպանվի, և գործընթացը խոշտանգումների հետևանքով մահով կավարտվի։
Մենք չենք քննարկում նախագահ Սաակաշվիլիի մեղավորության հարցը: Մենք ասում ենք՝ մահապատիժն արգելված է Սահմանադրությամբ, ինչպես և խոշտանգումները, անմարդկային և արժանապատվությունը նվաստացնող վերաբերմունքը։
Դա բխում է նաև Վրաստանի կողմից ճանաչված միջազգային նորմերից։ Նախագահ Սաակաշվիլիի, ինչպես նաև ցանկացած բանտարկյալի խոշտանգումների միջոցով մահը քրեական հանցագործություն է և հակասում է Վրաստանի ստանձնած միջազգային պարտավորություններին։ Բացի այդ, քանի որ նախագահ Սաակաշվիլին գտնվում է կառավարության արդյունավետ վերահսկողության ներքո, նրա արժանապատվությունը, կյանքը և առողջությունը ոտնահարելու պատասխանատվությունը կրում է կառավարությունը։
Վրաստանում նախագահ Սաակաշվիլիի խոշտանգումների պատճառով մահը չափազանց վնասակար ներքին և արտաքին քաղաքական հետևանքներ կունենա։ Ճակատագրական արդյունքը ոչ միայն կխորացնի երկրում առկա բևեռացումը, այլև կկործանի մոտ ապագայում այն հաղթահարելու ցանկացած հնարավորություն։ Պետք է հաշվի առնել, որ վրաց հասարակությունը դեռ չի ապաքինվել Վրաստանի առաջին նախագահի դաժան մահվան տրավմայից։
Հարցերը կխորանան նաև միջազգային հանրության մեջ. այն ազգերի ցուցակում ե՞ն արդյոք վրացիներ, որոնք հարգում են օրենքի գերակայության սկզբունքները և ունակ են խաղաղ ժողովրդավարական իշխանափոխության և համակեցության՝ առանց քաղաքական հետապնդումների։
Եվ վերջապես, այսօր Եվրոպայում տեղի է ունենում պատմական գործընթաց՝ ուկրաինացի ժողովրդի հերոսական պայքարը ռուսական ագրեսիայի դեմ։ Ինչպիսի՞ն կլինի մեր դեմ պատմական դատավճիռը, եթե վրացական պետությունը պատմական այս օրերին բանտում խոշտանգումների միջոցով սպանի Պուտինի «անձնական թշնամի» Միխեիլ Սաակաշվիլիին։
Ըստ այդմ, բարձր որակավորում ունեցող հանձնաժողովների եզրակացության համաձայն՝ նախագահ Սաակաշվիլիին ներկա վիճակում թողնելը նրան խոշտանգելու գործողություն է, որն անօրինական է, հանցագործություն և միջազգայնորեն ճանաչված հիմնարար իրավունքների կոպիտ խախտում, որն անդառնալիորեն կվնասի երկրի կայունությանը, միջազգային իմիջը և մեր պատմական հեռանկարը։
Ուստի, անկախ քաղաքական տարաձայնություններից, մենք չպետք է ներքաշվենք վրեժխնդրության մեջ։ Մենք՝ Վրաստանի քաղաքացիներս, չպետք է թույլ տանք, որ նախագահ Միխեիլ Սաակաշվիլին մահանա խոշտանգումներից։ Նա, ի վերջո, պետք է ուղարկվի արտերկիր բուժման: Սա վերկուսակցական նպատակ է։ Սա ճիշտ է՝ հիմնված պատմության, քաղաքական նպատակահարմարության, հումանիզմի և քաղաքակիրթ սկզբունքների վրա։ Կոչ ենք անում համախմբվել այս նպատակի շուրջ»,- նշված է հայտարարության մեջ, որի վերաբերյալ ստորագրահավաքը շարունակվում է։
2022 թվականի մայիսից Միխեիլ Սաակաշվիլին բուժման նպատակով գտնվում է Հատուկ քրեակատարողական ծառայության կապալառու «Վիվամեդ» կլինիկայում։
«Էմպաթիա» կենտրոնի և Միջազգային բժշկական փորձագիտական հանձնաժողովի եզրակացության համաձայն՝ Սաակաշվիլին մինչև ձերբակալությունը գործնականում առողջ է եղել, սակայն այժմ կոմա և մահ է սպասվում։ Փորձագետների կարծիքով՝ Սաակաշվիլիին անհրաժեշտ է անհապաղ տեղափոխել ԱՄՆ-ի և/կամ Եվրամիության երրորդ կարգի համալսարանական բազմամասնագիտական կլինիկա՝ ախտորոշման և բուժման համար։
Դեկտեմբերի 7-ին Վրաստանի հանրային պաշտպանի կողմից ստեղծված փորձագետների խումբը հրապարակել է Սաակաշվիլիի առողջական վիճակի մասին նոր զեկույցը։ Եզրակացության համաձայն՝ Միխեիլ Սաակաշվիլիի առողջական վիճակը կտրուկ վատացել է և գնահատվում է ծանր։
Դեկտեմբերի 1-ին փաստաբանները դիմել են Թբիլիսիի քաղաքային դատարան՝ Սաակաշվիլիին պատժից ազատելու կամ պատիժը հետաձգելու միջնորդությամբ։ Գործով հաջորդ նիստը տեղի կունենա դեկտեմբերի 29-ին։
Եվրախորհրդարանը նույնպես պահանջում է ազատ արձակել Միխեիլ Սաակաշվիլիին և տեղափոխել արտերկիր բուժման նպատակով։ Դեկտեմբերի 14-ին ընդունված բանաձևում ասվում է, որ Վրաստանի կառավարությունը լիովին պատասխանատու է նախկին նախագահի առողջության և բարեկեցության համար։ Եվրախորհրդարանի պատգամավորները դիմել են Վրաստանի նախագահ Սալոմե Զուրաբիշվիլիին՝ Սաակաշվիլիին ներում շնորհելու խնդրանքով։
Ուկրաինայի քաղաքացի Միխեիլ Սաակաշվիլին ձերբակալվել է Թբիլիսիում՝ 2021 թվականի հոկտեմբերի 1-ին, ինքնակառավարման ընտրությունների նախորդ օրը։ Նա մեղավոր է ճանաչվել և վեց տարվա ազատազրկման է դատապարտվել պատգամավոր Վալերի Գելաշվիլիին ծեծի ենթարկելու և Սանդրո Գիրգվլիանիի սպանության համար դատապարտված Սահմանադրական անվտանգության վարչության աշխատակիցներին ներում շնորհելու գործերով։ Սաակաշվիլին մեղադրվում է նաև «Իմեդի» հեռուստաընկերության և նոյեմբերի 7-ի բողոքի ակցիան ցրելու, Պատարկացիշվիլիի ունեցվածքին ապօրինի տիրանալու և պետական պաշտպանության հատուկ ծառայությանը պատկանող 9 024 367 լարիի յուրացման գործերով։ Երրորդ նախագահն իրեն մեղավոր չի ճանաչում և ասում է, որ գործը քաղաքական դրդապատճառներ ունի։
