Ընդդիմադիր «Ախալի», «Դրոա» և «Գիրչի՝ ավելի շատ ազատություն» կուսակցությունները խորհրդարանական ընտրություններից առաջ քաղաքական դաշինք են ստեղծել և սկսում են միասնական նախընտրական քարոզարշավ։ Այսօրվա ճեպազրույցում «Ախալիի» առաջնորդ Նիկա Գվարամիան հայտարարել է, որ այս փուլում «Լելոյի» հետ համաձայնություն ձեռք չի բերվել, թեև բանակցությունները կշարունակվեն։
Լրահոս
Ընթերցողի ընտրանի
- 1 Իլիայի պետական համալսարանին ավտորիզացիա է տրվել մեկ տարի հետո մոնիտորինգի պայմանով
- 2 Իվանիշվիլին պատերազմ հայտարարեց մեր բարեկամներին, որպեսզի կանգնի Մոսկվայի կողքին․ Զուրաբիշվիլի
- 3 Հոկտեմբերին վրաց ժողովուրդը հնարավորություն կունենա հեռացնել խաբեբաներին․ սենատոր Ռիշ
- 4 «Մենք ուժ կգտնենք մեր մեջ, որպեսզի ներողություն խնդրենք». Իվանիշվիլին՝ 2008 թվականի պատերազմի մասին
- 5 Նման ամոթալի բան չեմ տեսել, պատրաստվել է ԿԳԲ-ի դարբնոցում․ նախագահը՝ «Երազանքի» պաստառների մասին
- 6 ԱՄՆ-ը Իվանիշվիլիի դեմ պատժամիջոցների փաթեթ է մշակել․ «Ամերիկայի Ձայն»
«Մենք գիտակցում ենք մեր պատասխանատվությունը մեր երկրի պատմության, մեր հայրենիքի և ամենակարևոր պահի առջև, որի առջև այսօր կանգնած է Վրաստանը, նրա ապագան որոշող վճռորոշ պահը, և դրա հիման վրա որոշում ենք կայացնում միասին մասնակցել ընտրություններին։ Մենք այսօր միավորվում ենք, քանի որ ցանկանում ենք Բիձինա Իվանիշվիլիի իշխանությանը ուղարկել տուն, հեռացնել ռուսական ազդեցությունը Վրաստանից և Վրաստանը դարձնել Եվրամիության անդամ, որ վրացիներն ապրեն ապահով և երջանիկ միջավայրում»,- ասել է Գվարամիան։
«Գիրչի՝ ավելի շատ ազատություն» կուսակցության առաջնորդ Զուրաբ Ջափարիձեն ասել է, որ Վրաստանը բացառիկ հնարավորություն ունի 5 տարում դառնալու Եվրամիության լիիրավ անդամ, և միակ բանը, որ խոչընդոտում է դրան, գոյություն ունեցող «ռուսական ռեժիմն է»:
«Հոկտեմբերի 26-ին այս ռեժիմի փոփոխությունը սկզբունքային, պատմական խնդիր է, դրան հասնելու համար երեք բան է անհրաժեշտ.
- Առաջին՝ Վրաստանի քաղաքացիների առավելագույն մոբիլիզացիա ինչպես երկրի ներսում, այնպես էլ երկրից դուրս քվեատուփերի մոտ,
- Երկրորդ՝ մարդկանց քվեատուփերի մոտ գալուց հետո ձայները պաշտպանել,
- Երրորդ՝ ընդդիմադիր թևի այնպիսի կոնֆիգուրացիա, որը թույլ չի տա ռուսական վարչակարգին քննադատական ձայներ տանել իր օգտին:
Հավատում եմ, ի վերջո, ընդդիմադիր թևում ուժերի համախմբումը համապատասխանում է բոլոր երեք խնդիրներին»,- նշել է Ջափարիձեն։
«Դրոայի» ղեկավար Էլենե Խոշտարիան ասել է, որ հոկտեմբերի 26-ի ընտրությունների համար ընդդիմությունը պետք է ընտրություն առաջարկի հանրությանը, և «այս ընտրությունը միասնություն է»։
«Ինձ համար շատ կարևոր են մի քանի սկզբունքներ։ Առաջինը մեր ստորագրած խարտիան է, որի մեջ մենք ունենք շատ կոնկրետ մանդատ, ինչի համար գալիս ենք. մենք գալիս ենք Եվրոպա մտնելու, վերադարձնելու եվրոպական օրվա օրակարգը և ստեղծել արդար, ժողովրդավարական քաղաքական հասարակական միջավայր»,- ասել է Էլենե Խոշտարիան։
Երեք կուսակցությունների դաշինքի անունը դեռ համաձայնեցված չէ։ Առաջնորդների հայտարարությամբ՝ նրանց ընտրական թիվը կլինի 4-ը։
Խորհրդարանական ընտրություններից առաջ առանձին միավորվեցին «Միացյալ ազգային շարժումն» ու «Ստրատեգիա Աղմաշենեբելին»։ Կուսակցությունները հիմնել են «Միասնություն» քաղաքական հարթակը, որին միացել են քաղաքագետ Գիա Ջափարիձեն, պատմաբան Լաշա Բաքրաձեն և խորհրդարանի անկախ պատգամավորներ Արմազ Ախվլեդիանին և Թամար Կորձաիան։
