Այն, ինչ հիմա անում է Վրաստանի իշխանությունը, դա ազգային ինքնության գիտակցում է. Լավրով

«Այն, ինչ հիմա անում է Վրաստանի իշխանությունը, իր ազգային ինքնության գիտակցումն է և ընկալում, որ վրաց ժողովուրդն ունի նույն ուղղափառության, ազգային մշակութային արժեքները, որոնք կխամրվեն, կջնջվեն և կփոխվեն այն «կանոններով», որոնք Արևմուտքը պարտադրում է բոլորին, առաջին հերթին լիբերալ ժողովրդավարության, եթե կուզեք, ժողովրդավարական լիբերալիզմի արժեքների համատեքստում: Սա դուր չի գալիս վրացիներին։ Ճիշտ այնպես, ինչպես դուր չի գալիս անսանձ ԼԳԲՏ օրակարգը: [...]

Վրացական «օրինակը» շատ պատկերավոր է։ Ավելի ու ավելի շատ երկրներ են գիտակցում, որ լիբերալ դեմոկրատիայի այս «ձագարը», որի մեջ իրենց «լցնում է» Արևմուտքը, դեմ է իրենց արմատներին, ավանդույթներին և նախնիներին։ Արևմուտքը ցանկանում է ոչնչացնել, մոռանալ տալ և փոխարինել այդ ավանդույթները սեփական, ոչ ավանդական արժեքներով, որոնց օգնությամբ հույս ունի պահպանել իր գերիշխանությունը։ [...~]

Իսկ վրաց ժողովուրդը, ում ես լավ գիտեմ և գնահատում եմ նրա սերը կյանքի հանդեպ (Վրաստանը Խորհրդային Միության տարիներին եղել է մշակութային առաջատար կենտրոններից մեկը՝ մեր ընդհանուր հայրենիքում), խնամքով պաշտպանում է իր պատմությունը։ Կարծում եմ՝ նա դրա համար է արժանացել Արևմուտքի նկատողություններին»,- ասել է Լավրովը։

Նույն հարցազրույցում ռուս դիվանագետը հերթական անգամ մեկնաբանել է Վրաստանի խորհրդարանի ընդունած ռուսական օրենքը, որը բողոքարկվել է Սահմանադրական դատարանում։ Նա ուղղել է լրագրողին, որ «Վրաստանի օրենքը կոչվում է ոչ թե «օտարերկրյա գործակալների մասին», այլ «օտարերկրյա ֆինանսավորման թափանցիկության մասին» օրենք։ «Այն անձանց կամ կազմակերպություններին, որոնք կխախտեն այս օրենքը, որևէ կարգավիճակ չի տրվում։ Փոխարենը նրանցից պահանջվում է օրենքով սահմանված կարգով ցույց տալ այն ֆինանսները, որոնք ստանում են սահմաններից դուրս»,- ասել է Սերգեյ Լավրովը։

Ռուսական օրենքից հետո «Վրացական երազանքը» մտադիր է ընդունել հոմոֆոբ օրենսդրական փոփոխություններ, որոնք կսահմանափակեն ԼԳԲՏ անձանց իրավունքները Վրաստանում և կներդնեն գրաքննություն։ Եվրամիությունը կոչ է անում Վրաստանի իշխանություններին ամբողջությամբ վերանայել օրենսդրական փաթեթը։ Իշխող կուսակցությունը նախաձեռնել է նաև «Ընտանեկան արժեքների և անչափահասների պաշտպանության մասին» սահմանադրական օրենքի նախագիծը, որի համար չունի անհրաժեշտ սահմանադրական մեծամասնություն (113 պատգամավոր) այս գումարման խորհրդարանում։ Վենետիկի հանձնաժողովի գնահատմամբ, եթե փոփոխություններն ընդունվեն, կառավարությունը կստեղծի խարանի և նախապաշարմունքների ուժեղացման վտանգ, խրախուսելով հոմոֆոբիան, որն անհամատեղելի է ժողովրդավարական հասարակությանը բնորոշ հավասարության, բազմակարծության և հանդուրժողականության հասկացությունների հետ։