Ռաճայում՝ Շովի հանգստավայրի տարածքում տեղի ունեցած տարերային աղետի հետևանքով զոհերի թիվը հասել է 24-ի։ Այսօր՝ օգոստոսի 11-ին, հայտնաբերվել է 3 դի։
Լրահոս
Ընթերցողի ընտրանի
- 1 Գուդաուրիի հնդկական ռեստորաններից մեկում հայտնաբերվել է 12 մարդու դի
- 2 Կոբախիձեի խոսքով՝ պետական ծառայողները և ուսուցիչները ընթերցանության ընկալման խնդիր ունեն
- 3 Եվրախորհրդարանը պահանջում է պատժամիջոցների ենթարկել «Երազանքի» առաջնորդներին և նոր ընտրություններ անցկացնել Վրաստանում
- 4 Ցույցերի ժամանակ Թբիլիսիում է գտնվել Ռուսաստանի ոստիկանական արհմիությունների ասոցիացիայի ղեկավարը
- 5 Թող գա Իվանիշվիլին... նոր ընտրությունների օրը պետք է համաձայնեցվի մինչև դեկտեմբերի 29-ը. նախագահի կոչը
- 6 Իվանիշվիլին պետք է որոշում կայացնի և նշանակվեն նոր ընտրություններ․ նախագահ
«Այսօր հայտնաբերվել է 3 դի և մեկ դիակի մաս։ Որոնողափրկարարական աշխատանքները շարունակվում են»,- օրվա վերջում հայտարարել է տարածաշրջանային զարգացման և ենթակառուցվածքների նախարար Իրակլի Քարսելաձեն։
3 դիերից մեկը փրկարարները հայտնաբերել են առավոտյան ժամերին՝ Ռիոնի գետում՝ աղետի էպիկենտրոնից մոտ 20 կիլոմետր հեռավորության վրա։
Մեկ շաբաթ առաջ՝ օգոստոսի 3-ին, սառցադաշտային սելավը գրեթե ամբողջությամբ ավերել է Շովի հանգստավայրը։ Աղետը հողին է հավասարեցրել հանգստավայրի քոթեջները, վնասել հյուրանոցներ, քշել մեքենաներ և քանդել Շովի տանող միակ ճանապարհի կամուրջները։ Փրկարարներին միայն երեք ժամ անց՝ սահմանային ոստիկանության ուղղաթիռներով է հաջողվել հասնել աղետի գոտի։ Օգոստոսի 3-ին և 4-ին Շովիից դուրս է բերվել 210 մարդ։
Սելավի հետևանքով զոհվել է առնվազն 24 մարդ, որոնցից 19-ի ինքնությունը պարզվել է։ Շուրջ 10 հոգու որոնողական աշխատանքները շարունակվում են։ Ինչպես մահացածների, այնպես էլ անհետ կորածների թվում կան երեխաներ։ Իշխանության ներկայացուցիչները պնդում են, որ ողբերգությունից խուսափել հնարավոր չէր։
